8 боб Ўзбекистон иқтисодиётининг ҳудудий таркиби

Асосий атамалар ва тушунчалар

Минтақавий ижтимоий-иқтисодий мажмуа, минтақа, ҳудуд, иқтисодий раён, маъмурий-ҳудудий бўлиниш, ишлаб чиқаришни жойлаштириш, минтақавий ижтимоий-иқтисодий тараққиёт, ҳудудий меҳнат тақсимоти, иқтисодиётнинг ҳудудий таркиби, ишлаб чиқариш кучларини жойлаштириш, минтақавий иқтисодий сиёсат, минтақавий дастурлар, минтақавий инвестиция дастурлари, минтақавий тафовут, ялпи минтақавий маҳсулот, индекс усули.

Назорат саволлари

1. Минтақавий ижтимоий-иқтисодий мажмуалар деганда нимани тушунасиз?

2. Минтақа нима? Нима учун Ўзбекистонда маъмурий-иқтисодий ҳудудлар – Қорақалпоғистон Республикаси, вилоятлар ва Тошкент шаҳрига минтақа сифатида ёндашиш мақсадга мувофиқ?
3. Нима учун минтақа хўжалик мажмуаси сифатида тармоққа нисбатан мураккаб тузилма ҳисобланади?
4. Иқтисодий раёнлар деганда нимани тушунасиз? Ўзбекистонда қандай иқтисодий раёнлар бор ва уларнинг республика иқтисодиётидаги ўрни қандай?
5. Ўзбекистоннинг қайси иқтисодий раёнлари саноати жиҳатдан ривожланган ҳисобланади? Жавобингизни асосланг.
6. Ялпи минтақавий маҳсулот нима? Нима учун минтақалар ялпи минтақавий маҳсулотлари йиғиндиси республика ялпи ички маҳсулот ҳажмига тенг бўлмайди?
7. Ўзбекистонда минтақалар иқтисодий ривожланишига қайси кўрсаткичлар орқали баҳо бериш мумкин?
8. Ўзбекистонда қайси минтақалар республика ялпи ички маҳсулоти шаклланишига катта ҳисса қўшади?
9. Ўзбекистон ижтимоий-иқтисодий ривожланишида минтақавий тафовутларнинг вужудга келиш сабаблари нималардан иборат?
10. Ўзбекистон ижтимоий-иқтисодий ривожланишида минтақавий тафовутларни қисқартириш учун қандай чора-тадбирлар амалга оширилмоқда?