Ўзбекистон республикаси ҳалк таълими вазирлиги

Тадқикотнинг методологик асослари: Ўзбекистон Республикаси Конституцияси, Ўзбекистон Республикаси Президенти И.А. Каримовнинг баркамол авлодни шакллантириш ҳақидаги қарашлари, ёндашувлари, Мактабгача таълим концепцияси ва давлат талаблари, учинчи мингйилликнинг боласи дастури, Халқ таълими вазирлигининг мактабгача таълимни ривожлантиришга оид меъёрий ҳужжатлари, мавзуга оид илмий, педагогик-психологик манбалар.
Ҳимояга олиб чиқиладиган асосий ҳолатлар.
1. Болалар нутқини сенсор тарбия воситасида ривожлантиришнинг назарий-амалий асослари.
2. Сенсор тарбия воситасида болалар нутқини ривожлантиришнинг педагогик-психологик имкониятлари.

3. 
   Сенсор тарбия воситасида болалар нутқини ривожлантириш жараёнининг мазмуни, усуллари, методлари.
   

4. Мактабгача таълим муассасаларида сенсор тарбия воситасида болалар нутқини ривожлантиришга қаратилган тажриба-синов ишларини ташкил этиш йўллари ва сенсор тарбия воситасида болалар нутқини ривожлантиришга йўналтирилган илмий методик тавсияларнинг самарадорлик даражаси.
Тадқиқотнинг илмий янгилиги:
1. Мавзуга оид илмий-педагогик, психологик адабиётлар, меъёрий ҳужжатларни ўрганиш асосида мактабгача таълим муассасаларида болалар нутқини сенсор тарбия воситасида ривожлантиришнинг назарий-амалий асослари аниқланди.
2. Мактабгача таълим муассасаларида сенсор тарбия воситасида болалар нутқини ривожлантиришнинг педагогик-психологик имкониятлари очиб берилди.

3. 
   Мактабгача таълим муассасаларида сенсор тарбия воситасида болалар нутқини ривожлантириш жараёнининг мазмуни, усуллари, методлари танланди.
   

4. Мактабгача таълим муассасаларида сенсор тарбия воситасида болалар нутқини ривожлантиришга қаратилган тажриба-синов ишларини ташкил этиш йўллари ва сенсор тарбия воситасида болалар нутқини ривожлантиришга йўналтирилган илмий методик тавсияларнинг самарадорлик даражаси аниқланди.
Тадқиқотнинг назарий-амалий аҳамияти: тадқиқот натижасида педагогика фани мактабгача таълим муассасаларида болалар нутқини ривожлантиришга оид назарий ёндашувлар, қарашлар, илмий методик тавсиялар, ишланмалар билан бойитилди ҳамда мактабгача таълим муассасаларида сенсор тарбия воситасида болалар нутқини ривожлантиришга йўналтирилган илмий методик тавсиялар, дидактик ишланмалар, таълимий топшириқлар, усул ва методларга эга бўлди.
Қайсиким улардан мактабгача таълим муассасалари тарбиячиларининг назарий билимларини бойитиш, фаолиятларини такомиллаштиришда, малака ошириш курслари мазмунини бойитишда кенг фойдаланиш мумкин.