Universiteti jurnalistika fakulteti

Tadqiqotning maqsadi hamda vazifalari.

• 
  zamonaviy tilshunoslik fanining konsept haqidagi qoidalarini tahlil qilish orqali tadqiqotning nazariy asosini aniqlash;
  
• 
  “Inson” konseptining yoshga doir birliklarda ifodalanishini o’rganish;
  
• 
  til semantikasini va “Inson” tushunchasini ifodalovchi nutq birliklarini o‘rganish;
  
• 
  “Inson” tushunchasining gender xususiyatlari jihatdan o‘rganish va tahlil qilish;
  
• 
  Konsept va “inson” konsepti tushunchalarini yoritish.
  
• 
  Xalq hayoti bilan bog`liq konseptlar va lingvokulturemalar haqida fikr yuritish.
  
• 
  “Inson” uzvli frazeologizmlar va paremalar – lingvomadaniy boylik ekanligini yoritish.
  
• 
  “Inson” uzvli frazeologizmlarning lug`aviy-ma’noviy tahlilini berish.
  
• 
  “Inson” uzvli paremiyalarni semantik va uslubiy-badiiy jihatdan tahlil qilish.
  
• 
  “Inson” uzvli metaforalarning lug`aviy-ma’noviy, uslubiy- badiiy tahlilini berish.
  

Tadqiqot ishining ilmiy yangiligi.
Magistrlik dissertatsiyasida ilmiy yangiligi Shavkat Rahmon ijodida “Inson” konsepti mavzusi ilk bor tahlil qilinmoqda. Bu esa o’zbek tilshunosligida lingvokulturologik tadqiqotlarning yanada boyishiga xizmat qiladi.
Tadqiqotda qo‘llanilgan metodlar tasnifi. Dissertatsiya mavzusini yoritishda tilshunoslik sohasida salmoqli qo‘llanib kelayotgan eksperiment, komponent-semantik tahlil, sinxron, tavsifiy kabi metodlardan foydalanildi. Shuningdek, jahon tilshunosligi va o‘zbek tilshunosligida keyingi yillarda qo‘lga kiritilgan yutuqlar tadqiqot uchun nazariy manba bo‘lib xizmat qildi.
Magistrlik dissertatsiyasining nazariy va amaliy ahamiyati. Ilmiy tadqiqot ishi natijasi o‘zbek filologiyasi ilmini o‘zbek tilida Shavkat Rahmon ijodida “inson” konsepti haqidagi nazariy ma’lumotlar bilan boyitadi. Magistrlik dissertatsiyasi materiallari lingvokulturologiya yo‘nalishi uchun nazariy manba bo‘la oladi. Dissertatsiyada ilgari surilgan ilmiy natijalardan oliy ta’limda konsept mavzusini o‘rganishda, darslik va qo‘llanmalar yaratishda foydalanish mumkin. Shuningdek, mazkur tadqiqotda taqdim etilgan tahlil va umumlashmalar Shavkat Rahmon asarlari va konsept yuzasidan kelajakda olib boriladigan tadqiqotlar samaradorligiga ma’lum darajada ijobiy ta’sir ko‘rsatadi, deb umid qilamiz.