Eksperimental tadqiqotlar asoslari. Mavzu rejasi: Eksperiment haqida asosiy tushunchalar

Aim.uz

Eksperimental tadqiqotlar asoslari.

Mavzu rejasi:

1. 
   Eksperiment haqida asosiy tushunchalar,
   
2. 
   Eksperiment bosqichlari.
   
3. 
   Eksperiment vazifalarini qo‘yish.
   

Tayanch iboralar: Eksperiment. Eksperiment tadqiqotlarini asosiy maqsadi. Eksperimentning tarkibiy qismlari. Eksperiment turlari. Eksperiment uslubiyoti. Eksperiment bosqichlari va ularning tarkibiy qismlari. Eksperiment vazifasini qo‘yish. Ma`qullash. eksperiment dasturi.

Eksperiment haqida asosiy tushunchalar.
Xar bir ilmiy tadqiqotlar, agar uning natijalari eksperimental tekshiruvdan o‘tmasa, tugallangan deb xisoblanmaydi. Buning asosiy sabablari quyidagilardir:

- qabul qilingan ob’ekt modelining adekvatligi to‘g‘risidagi ishonchning yo‘qligi;

- vazifani qo‘yish va uni yechish bosqichidagi yo‘l qo‘yishlarga ishonchning yo‘qligi;

- yechish bosqichida xatoliklarni paydo bo‘lishi mumkinligi.

Eksperimental tekshirishlarning ma’suliyati va murakkabligi, xozirda aloxida ilmiy yo‘nalishni yaratilishiga olib keldi, bu yo‘nalish eksperimentlar nazariyasi deb ataladi.

Eksperimental tekshirishlar ikkita o‘zaro farqlanuvchi natijalarga olib kelishi mumkin.

Birinchi xolatda, eksperimental tekshirish amaliyot uchun yetarli aniqlik bilan nazariyani isbotlab beradi. Bunda tadqiqot tugallangan xisoblanib, uning natijalari foydalanish uchun beriladi.

Ikkinchi xolatda qabul qilinishi mumkin bo‘lmagan farqlar kuzatiladi. Bunda tadqiqotlar siklini qaytarish zarur bo‘ladi.

Shuni tushunish muximki, siklning mavjudligi (ba’zida sikldan bir necha bor o‘tishga to‘g‘ri keladi) fan imkoniyatlarining yetishmasligidan emas, balki uning moxiyatidan kelib chiqadi. Fan gipotezlarni ya’ni oldindan aniq bo‘lmagan taxminlarni tekshiradi.

Eksperiment tadqiqotlar - ilmiy tadqiqotlarning eng muxim tarkibiy qismidir.

Eksperiment - ilmiy ishning ko‘rinishi bo‘lib, u ob`ektiv qonuniyatlarni o‘rganish uchun o‘tkaziladi va o‘rganilayotgan ob`ektga maqsadga muvofiqlashtirilgan ta`sirlardan iborat bo‘ladi. Eksperiment, bu maxsus o‘tkaziladigan ilmiy tajriba yoki aniq xisobga olinadigan sharoitlarda xodisalarni kuzatishdir.