Toshkent davlat pedagogika universiteti fizika-matematika fakulteti

EO‘Kga didaktik talablar eng muhim ahamiyatga ega bo‘lib, o‘z mazmun-mundarijasida quyidagilarni qamrab oladi:

• 
  o‘qitishning ilmiyligi, ya’ni o‘quv materialini taqdim etishda fanning so‘nggi yutuqlarini inobatga olgan holda masalalarning yetarli darajada chuqurligi va to‘g‘riligini ta’minlash;
  
• 
  o‘quv jarayoniga bog‘lana olish talabi — o‘quvchilarning yoshi va individual xususiyatlarini o‘rganishning nazariy murakkabligi va ilmiylik darajasiga muvofiqligini ta’minlash, o‘quv materialining haddan tashqari murakkabligi sababli o‘quvchilarni o‘zlashtira olmay qolishining oldini olish;
  
• 
  o‘qitishning tizimlilik va izchillik talabi — uzluksizlikni ta’minlash bilan talabalarning bilim, malaka va ko‘nikmalarini shakllantirishda muayyan ketma-ketlikni ta’minlash, mavzularning soddadan murakkabga tomon joylashuvi;
  
• 
  o‘qitishning ko‘rgazmalilik talabi — ta’lim oluvchilarni ob’ektlar, jarayonlar va hodisalarni sezgi orqali idrok etishini ta’minlash;
  
• 
  o‘qitishning onglilik va faollik talabi — ta’lim oluvchilarning o‘quv ma’lumotini olishda mustaqil va faol harakatlarini ta’minlash;
  
• 
  bilimni o‘zlashtirishning mustahkamlik talabi — olingan bilimlarni qayta mustahkamlashni ta’minlash.
  

Asosiy yangi didaktik talablarigi quyidagilar kiradi:

• 
  O‘quv materialining tuzilishi, tarkibiy va funksional bog‘liqligiga bo‘lgan talab - o‘quv materialining tarkibiy bo‘linmalarga bo‘linishini va ular orasidagi tarkibiy va funksional munosabatlarni belgilab, o‘rganilayotgan materialning ichki mantig‘ini aks ettiradi;
  
• 
  o‘qitishning interfaolligi talabi — ta’lim oluvchilarning elektron darslik bilan o‘zaro hamkorligini ta’minlash (ta’lim oluvchilarning elektron o‘quv vositalari bilan interaktiv muloqoti);
  
• 
  o‘qitishning moslashuvchanlik (adaptivlik) talabi — o‘quv jarayonini o‘quv elektron o‘quv qo‘llanmasi bilan ishlaydigan talabaning bilim, ko‘nikma va psixologik xususiyatlariga moslashishini ta’minlash.
  

Mazkur talablarning to‘liq bajarilishi ta’lim samaradorligi oshishini ta’minlaydi.