Toshkent davlat pedagogika universiteti fizika-matematika fakulteti

1.7-rasm. Elektron kitoblarni xarakteriga ko‘ra turlari.
PDV kompyuter ishlash jarayonida qo‘llaniladi.
Kompyuterni qo‘llash usullari to‘rtga bo‘linadi. Ular: frontal, guruhli, individual, jamoaviy ishlash hisoblanadi.
O‘qitish vositasi sifatida kompyuterning afzalliklari juda ko‘p. Zamonaviy ta’lim jarayonlarini kompyuter vositasisiz tasavvur etib bo‘lmaydi. Kompyuterning asosiy afzalliklari sifatida quyidagilarni keltirish mumkin:

• 
  multimediaviylik;
  
• 
  interfaollik;
  
• 
  o‘quv materialining moslashuvchanligi;
  
• 
  do‘stona interfeys;
  
• 
  o‘quv mazmunining ijtimoiy sharoitlardan mustaqilligi;
  
• 
  foydalanuvchi uchun qulayligi;
  
• 
  ta’lim oluvchining o‘quv soatidan tashqari vaqtda individual ishlashi uchun imkoniyatning neytralligi.
  

Axborot texnologiyalarining asosiy xususiyatlaridan bo‘lib, har qanday hajm va har qanday turdagi ma’lumotlarni istalgan masofaga uzatish, internet orqali turli axborot manbalariga bog‘lanish imkoniyati mavjudligi, o‘zingizni qiziqtirgan barcha savollarga javob topishingiz mumkinligi bilan xarakterlidir.


1.7.1-rasm. O‘quv dasturlar paketi
Elektron o‘quv qo‘llanmaning qo‘shimcha imkoniyatlariga quyidagilarni kiritish mumkin:

1. 
   Axborot jarayonlarini modellashtiradigan maxsus qismlarni kiritish imkoniyati mavjudligi.
   
2. 
   Elektron qo‘llanma tarkibiga o‘quv materialini o‘zlashtirishni kuchaytirish uchun audiofayllar va videomateriallarni qo‘shish imkoniyati.
   
3. 
   Elektron o‘quv qo‘llanma tarkibiga interaktiv fragmentlarni qo‘shish.
   
4. 
   Multimediali to‘ldirish imkoniyati mavjudligi.
   
5. 
   Birgina internetdagi elektron nashrlarda:
   

a) Elektron o‘quv qo‘llanma doirasida harakatlanishning oddiy va qulay mexanizmini qurish;
b) Elektron o‘quv qo‘llanma doirasida gipermatnli o‘tishlar qo‘llagan holda qidiruv mexanizmini rivojlantirish.

6. 
   Ta’lim oluvchilarning bilim darajasini nazorat qilishning avtomatlashgan ichki imkoniyati.
   
7. 
   Materialni maxsus variantlarda tuzilmasini ishlab chiqish imkoniyati.
   
8. 
   O‘rganilayotgan materialni bilim darajasiga moslashish imkoniyati yuqoriligi.
   
9. 
   Individual so‘rovlar ostida ta’lim oluvchilar ishini optimallashtirish imkoniyati.
   

Shu tarzda elektron o‘quv qo‘llanmalar an’anaviy o‘quv adabiyotlariga qaraganda qator qulayliklarga ega:

• 
  multimedia imkoniyati;
  
• 
  virtual voqelikning ta’minlanganligi;
  
• 
  interfaollikning yuqori darajasi;
  
• 
  ta’lim oluvchilarga individual yondashuv imkoniyati.
  

Shuning uchun elektron qo‘llanmalar katta amaliy ahamiyatga ega. Ularning yordami bilan nafaqat amaliy ma’lumotlarni taqdim etish, balki tasviriy materiallar bilan ta’minlash, shuningdek, o‘qitishning standart usullaridan foydalanib ko‘rsatib bo‘lmaydigan u yoki boshqa jarayonlarni aniq namoyish etish mumkin. Bundan tashqari talaba elektron qo‘llanmani o‘zi hoxlagan holda ishlatishi, savollarga javob topishi mumkin.