Билим соҳаси – Социал таъминот ва соғлиқни сақлаш 500000

Назорат учун саволлар 
1.
Нафас олиш тизими анатомик хусусиятлари 
2.
Нафас олиш тизими физиологик хусусиятлари 
3.
Болаларда нафас олиш органларини кўздан кечириш 
4.
Кўкрак қафасини пайпаслаш 
5.
Нафас олиш тизимини перкуссияси 
6.
Перкуссия турлари 
7.
Ўпка чегараларини аниқлаш 
8.
Нафас олиш тизимини аускультацияси 
9.
Нафас олиш шовқинлари (бронхиал, везикуляр ва пуэрил нафас) 
10.
Нафас шовқинларини эшитиш жойлари 
11.
Патологик нафас турлари 
12.
Нафас тизими касалликлари симптом ва синдромлари 
13.
Нафас етишмовчилиқ синдроми 
Таянч сўзлар:
нафас, перкуссия, аускультация, зотилжам.

---

298 
4.5 ЮРАК ҚОН ТОМИР ТИЗИМИ 
Юрак қон -томир тизими ҳомилаликда, шу тизимни муртакчаси пайдо 
бўлиш пайтидан, токи бола балоғатга етгунча морфологик ва физиологик 
жиҳатдан муттасил ўзгариб боради. Ҳар бир болалик давридаги бу 
ўзгаришларни ўрганиб билиб олиш, юрак қон томир тизимсидаги 
ўзгаришларни ўз вақтида баҳолаб олиш имкониятини беради. 
Юракнинг ривожланиши ҳомилаликнинг иккинчи - учинчи 
ҳафтасидан, иккита алоҳида жойлашган юрак муртакчасининг пайдо бўлган 
вақтидан бошланади. Ҳомилаликнинг 4-хафтаси охирларидан, бўлмача ва 
қоринча йўналишига қоринчалараро ўйиқчага тўғри келадиган ҳолда, 
юракнинг мушак қисмидан қоринчалараро пардевор (septum inter ventriculare) 
ўсиб, юқоридан бироз жой қолган ҳолда қоринчани иккига, ўнг ва чапга 
бўлади. Кейинчалик юқорида қолган жойни фиброз тўқимаси тўлдиради. 
Демак, қоринчалараро пардевор икки қисмдан пастки мушак ва юқориги 
фиброз тўқималаридан ташкил топган бўлади. 
Юракнинг ўтказувчи тизими жуда эрта, эмбрионнинг 28-30 кунлик 
вақтидан тараққий эта бошлайди. Бу тизим ривожланиш жараёнида асаб 
ҳужайралари ва қон- томирларга жуда бой таъминланган бўлади.