Билим соҳаси – Социал таъминот ва соғлиқни сақлаш 500000

Бронхиолит.
Касаллик эрта ёшдаги болаларда, айниқса туғилишнинг 
биринчи ойларида нисбатан кўп учрайди. Одатда оилада катталар енгил 
респиратор инфекция ўтказганда бола тезда касалланиб қолади.
Клиникаси. Касаллик бошланишда енгил тумов субфебрил температура 
билан бошланиб, 2-3 кун ўтгач бемор аҳволи тезда оғирлашади. Бунда нафас 
қисиш (ёрдамчи мушаклар иштироки билан), бурун қанотларини кенгайиши, 
оғиз атрофи соҳасини кўкариши пайдо бўлади. Обструктив жараённи 
кўпайиши билан бемор бетоқатланиб, нафас олишни етишмаслиги ортади. 
Нафас олиш сони 1 дақиқада 70 – 90 га етади. Перкуссияда коробка товушига 
оид товуш эшитилади. Аускультацияда мусиқасимон, ҳуштаксимон қуруқ ва 
кўп миқдорда майда пуфакчали хириллашлар эшитилади. Рентгенологик 

---

295 
текширишда ўпка бўлаклари тиниқлигини ҳамда бронх қон -томир 
кўринишини ортиши кузатилади. 
Зотилжам.
Этиологияси. Зотилжамни бактериал қўзғатувчиси 
пневмококк, стафилококк, стрептококк, гемофилюс инфлюэнца Пфейффера, 
клебсиелла (Фредлендера) ҳисобланади. Аммо кўпинча анамнезда ўтказилган 
респиратор вирус инфекцияси қайд қилинади.Клиникаси. Касаллик 
бошланишидаёқ унинг оғир енгил кечишига мос равишда бемор ҳолатини 
оғирлашиши фебрил температура, нафас қисиши, тахикардия, бурун -лаб 
учбурчагини кўкариши кузатилади. Ўпканинг жароҳатланган соҳасида 
перкуссия товушини бўғилиши кузатилиб, шу соҳани ўзида пасайган, дағал 
ёки бронхиал нафас товушлари эшитилади. Агарда жароҳатланган соҳа 
кичик бўлса, перкутор ўзгариш ноаниқ бўлиб, шу соҳани ўзида бир тутам 
майда пуфакчали хириллашлар эшитилади. Одатда касалликни биринчи 
кунлари хириллашлар эшитилмай, яллиғланишни орқага қайтиши бошларида 
эшитилади. Зотилжамда майда пуфакчали хириллашларни юқори 
жарангдорликда эшитилиши хосдир. 
Рентгенологик текширишда ўпка сегменти ёки бўлаги соҳасида қора 
сояларни кузатилиши орқали сегментар ёки ўпка бўлаги зотилжамси ташхиси 
тасдиқланади. Майда ўчоқли зотилжамда, ҳар бир ўчоқни сояси кичик 
бўлганлиги сабабли, рентген орқали аниқлашни иложи бўлмайди. Бунда 
майда ўчоқлар бир бирига қўшилиб, яхлит инфильтрация кўринишини 
беради. Стафилококк зотилжамни бошланиш даврида рентгенда дунг 
чегаралик, қаттиқ, йирик соя кузатилиб, одатда бу бутун ўпка бўлагини 
эгаллаган бўлади.