Олабўжи романдан катта хикоя

– Ана шу-да! – деди Баҳор. Сўнг эрига термилиб, елкасига 
суйканди. – Уҳ-ҳ... Анави ерда тўхтаб қолдингиз-у... Жоним чиқай деди. 
Чақирай десам, овоз йўқ. Барибир сиз ботир экансиз. 
Ултоннинг шунда... юраги шундай гурсиллаб уриб кетдики! 
Ахир, у Баҳорниям... ҳимоя қилган эди. Баҳор унга суяниб қолди-
ку? 
Қандоқ яхши – эр бўлиш, эркак бўлиш! 
– Кетдикми? 
Ултоннинг тилида: “Ҳа” деган сўз қолиб, бирдан аланглай кетди: 
– От! 
– Вой, ўлай!.. Вой, анна! Бизга қараб турипти. 
– Ҳе, қадрдон! – Ултон милтиқни хотинига узатди-ю, бермади. 
Бояги тошдан наридаги пакана арча ортида қулоқларини чимириб 
турган Гижингтойни етаклаб қайтди. 
– Онаси... кўринмаяпти-ку? 
– Ҳа, – деди Ултон ва дарқақиқат ҳайрон қолди: нега у якка 
юрипти? 
Ултон билар эди: шу атрофда ёввойи тўнғизларнинг юрадиган 
сўқмоғи бор. Бироқ... 
...чурпа
20
 нинг ёлғиз юриши? 
– Онасига бир нима бўлган, – деди ниҳоят. Ва одам боласи 
ўлдирмаганига ишонгиси келиб, бошқа сабабларни айтди: – бўрилар 
еган бўлиши мумкин, ё жарликка учган... 
20
Тўнғиз боласи. 

---

363 
– Браконьер-чи... – сўради Баҳор. 
– Балки. – Ултон чўчқа этидан бўлган колбасани бемалол есада, 
этнинг ўзини ейиш – ақлига сиғмас эди. Эҳтимол, ҳарбийда хизмат 
қилганда, тановул этишга мажбур бўларди. Аммо у дорилфунунга 
кирган йили ҳарбий кафедра бор, бир йилдан кейин кафедра ёпилган ва 
Ултонлар “военнообязанный” бўлиб қолган эди. 
– Агар онаси бўлса... 
– Бизга ташланарди. 
– Юринг, шу ердан кетайлик... Зовбошингиз қаёқда ўзи? 
– Ана! Пастликда...