Ishning umumiy tavsifi Mavzuning dolzarbligi

Bitiruv malakaviy ishning maqsadi. Bo`lg`usi ona tili va adabiyot fani o`qituvchilarini ona tili fanining ilg`or shakl va materiallari bilan tanishtirish, amalda ona tili o`qitishni, xususan, uning morfologiya bo`limining bir qismi bo`lgan fe`l so`z turkumini o`qitishning no`anaviy metodlaridan foydalanish yo`l-yo`riqlari bilan tanishtirishdan iborat.
Bitiruv malakaviy ishining tadqiqot obyekti -Ona tili va adabiyot fani o`qituvchilariga morfologiya, xususan, fe`l so`z turkumini o`qitish metodikasining noan`anaviy metodlarini sinovdan o`tkazishdan iborat. Ishning tadqiqot obyekti qilib umumiy o`rta ta’lim maktablari darsliklarida fe`l so`z turkumining berilishi va uni o`qitishda no`anaviy metodlarni qo`llash usullari olingan.
Bitiruv malakaviy ishining tadqiqot predmeti - “Ona tili” mashg`ulotlarida tilshunoslikning morfologiya, xususan, fe`l so`z turkumini o`qitishda noan`anaviy metodlardan foydalanishni tadqiq etishdan iborat.
Bitiruv malakaviy ishining metodologiyasi va metodlari. Tadqiqotning metodologik asoslari Prezidentimizning fan metodologiyasi bo`yicha bergan ko`rsatmalari va tavsiyalari tashkil qiladi. Ushbularni amalga oshirish tadqiqot metodologiyasi talablariga ko`ra til o`qitishda keng iste’molda bo`lgan tavsiflash, qiyoslash, tasniflash, statistik singari metodlardan foydalanildi.
Bitiruv malakaviy ishining nazariy va amaliy ahamiyati. Tilshunoslik fanining muhim bo`limlaridan biri bo`lgan morfologiyaga, xususan, fe`l so`z turkumiga oid materiallarni noan`anaviy metodlar asosida o`qitishga oid nazariy jihatdan asoslangan hamda amaliy jihatdan sinovdan o`tkazilgan tegishli didaktik materiallar ishlab chiqildi va metodik tavsiyalar taqdim etildi.
Tadqiqot materiallarida bayon etilgan nazariy mulohazalardan, amaliy tahlil va dares ishlanmalari namunalaridan ta’lim tizimining barcha bosqichlarida faoliyat ko`rsatayotgan barcha pedagoglar, jumladan, “Ona tili va adabiyot ” fanlari o`qituvchilari o`zlarining kundalik pedagogik faoliyatlarida foydalanishlari mumkin. Shuningdek, oliy ta’limda maxsus kurs, ma’ruza va metodikaga doir mashg`ulotlarda ham foydalanishi mumkin.