Ishning umumiy tavsifi Mavzuning dolzarbligi

Bajariladigan birinchi vazifa - o`quv predmetini yaxlitlikda ko`rib, uni
“O`ta katta” (mego) modul deb anglab, bu modul yakunida kutiladigan o`quv va
tarbiyaviy maqsad aniqlanadi va jadval shakliga keltiriladi. Ushbu maqsadlar
mazkur o`quv predmeti uchun belgilangan Davlat ta`lim standarti talabiga va
mustaqil O`zbekiston fuqoralarining fazilatlar tizimiga mos kelishi shart. So`ng,
muayyan o`quv predmeti, ya`ni " O`ta katta" modul ichidagi bilimlarning hajmi,
mantiqiy bog`liqligi va fikrning tugallanganligidan kelib chiqib, undagi o`quv
materialini “Katta”(makro) modullarga ajratiladi va ularning ham maqsadlari
belgilanib jadval shaklida ifodalanadi. Davomidan, har bir “Katta” modul ichidan
mantiqan bog`liq bo`lgan, shu bilan barobar bir juft soatda tinglovchilar ongiga
etkazilishi lozim bo`lgan bilimlar majmuilari ajratiladi va ularga “O`rta” (mezo)
modul deb nom beriladi va ularning ham maqsadlari aniqlanadi va jadval orqali
ifodalanadi.
Shu bilan "Pedagogik texnologiya" tamoyillari asosida o`quv fani
mashg`ulotlarini loyihalashning umumiy jadvallari tuzilgan bo`ladi.
Bajariladigan ikkinchi vazifa - har bir juft soatlik o`quv mashg`ulotlarning,
ya`ni o`rta modullarning xususiy jadvallarini tuzish.
Buning uchun, birinchidan - bir juft soatlik o`quv mashg`uloti, ya`ni o`rta
modulni olib, ichidan bir nechta “Kichik” (mikro) modullar ajratiladi va ularning
maqsadlari hamda ularga ajratilgan vaqt belgilanadi, kichik modullarni ajratishda,
pedagogning shu o`quv mashg`ulotining har bir bo`lagi oldida qo`ygan maqsadi va
undagi fikrlarning tugallanganligidan kelib chiqiladi;
Ikkinchidan - har bir juft soatlik o`quv mashg`ulotidagi “Kichik” modullar
orqali beriladigan bilimlar tizimi ichidan tayanch tushunchalarni ajratib, ular
asosida tinglovchilar bilim va ko`nikmalarini baholash uchun nazorat savollari
tuziladi va baholashning tur va mezonlari aniqlab olinadi;