Ishning umumiy tavsifi Mavzuning dolzarbligi

Ikkinchisi - ta`lim-tarbiya jarayonini loyihalash asosida o`quv
mashg`ulotini olib borishda didaktika (ta`lim nazariyasi)ning barcha tamoyillari vaqonun-qoidalaridan kelib chiqish. Buning uchun o`quv mashg`uloti loyihasini
tuzuvchi va tuzilgan loyiha asosida o`quv mashg`ulotini olib boruvchilar
didaktikani yaxshi bilishlari va undan pedagogik amaliyotda foydalana olishlari
shart.
Uchinchisi - o`quv mashg`ulotining loyihasini tuzganda, bu jarayonning
ajralmas va tarkibiy qismlari bo`lgan - "Maqsad va maqsadchalar", "Ularga
ajratilgan vaqt" beriladigan bilimlar ichidagi "Tayanch tushunchalar", "Dars turi
va tipi", "Pedagogik uslublar", "Axborot texnologiyalari" va "Didaktik materiallar"
degan elementlarini o`zaro uzviy, ya`ni funktsional bog`liqlikda bo`lgan yahlitlik
sifatida ko`rish.
To`rtinchisi - o`quv jarayonini loyihalashda va undan amaliyotda
foydalanishda tinglovchilar egallashlari shart bo`lgan bilimlarni, o`zlari mustaqil
ravishda topishlariga urg`u berish. Ya`ni, pedagog muayyan soatda tinglovchilar
egallashlari shart bo`lgan bilimlarni ularga aytib bera qolmay, bu bilimlarni ular
faol fikr yuritib o`zlari topishlariga erishishi lozim.
Beshinchisi - Pedagogik texnologiya tamoyillari asosida tuzilgan loyiha
bo`yicha o`quv mashg`ulotini amalga oshirishda, egallanadigan bilimlarni
tinglovchilar anglashlari, xotirasida saqlashlari va amaliyotda qo`llay olishlarini bir
vaqtning o`zida olib borishga erishish. Amaliyotda qo`llash deganda faqat
muayyan bir ishni bajarib berishni tushunib qolmay, egallangan bilimlarni aytib
berish hamda amalda qo`llash deb tushuniladi.
Oltinchisi - har bir o`quv mashg`uloti yakunida erishiladigan natijalarning
fe`llar shaklida bo`lishi. Buning uchun, har bir o`quv mashg`ulotining yakunida
tinglovchi erishishi shart bo`lgan ish harakatlar tizimi avvaldan belgilab qo`yiladi.
Yettinchisi - o`quv mashg`ulotining yakunida, oldindan shu mashg`ulot uchun
aniqlangan baholash tur va mezonlari asosida barcha tinglovchilarning bilimlarni
o`zlashtirganlik darajasini aniqlash<sup>1</sup>.
<sup>1</sup>Ziyomuhammadov B., Tojiyev M. Pedagogik texnologiya: zamonaviy o`zbek milliy modeli.-Toshkent: Fan va texnologiya,2013; 53- bet

Yuqorida sanab o`tilgan “Pedagogik texnologiya” tamoyillaridan kelib chiqib,

o`quv mashg`ulotlar loyihasini tuzishda bajariladigan vazifalar quyidagi tartibda
amalga oshiriladi, buni o`quv mashg`uloti loyihasini tuzish algoritmi deyiladi.