Автоматика асослари ва микропроцессор техникаси

9-расм. Ростлаш объектининг ўтиш характеристикаси.
Тизимни звеноларга ажратиш. Звеноларни математик ифодалаш ва уларнинг асосий турлари. Звеноларнинг статик ва динамик характеристикалари.
Ҳар қандай қурилманинг тузилиши бир неча оддийроқ бўлган элементлардан ташкил топганидек, ҳар қандай автоматик бошқариш системасини ҳам қатор бир-бирига боғланган элементлар – бўғинлар (звено) дан ташкил топган деб қараш мумкин. Шуни айтиш лозимки, АБС ни тасвирлашда икки хил тасвирдан (схемадан) функционал ва тузилиш (структура) тасвирлардан фойдаланилади. Одатда АБС функционал схемаси тузилганидан сўнг тузилиш тасвирига ўтилади. АБС тузилиш тасвири унинг асосий хусусиятларини аниқлаш, барқарорлиги ва бошқариш жараёни сифатини таҳлил қилиш, керак бўлганда системани мослаш (коррекциялаш) имконини беради.
Структура усулининг умумий таърифи.
Структрура усули вақт бўйича ўзгарувчи сигналларни ўзгартиришнинг математик томонини алоҳида элементлар ва бутун система орқали график тасвирлашдан иборат.
Структура усуллар берилган дастлабки маълумотлар бўйича система тузилишини чизиш қоидасини, схемани таҳлил қилишда унинг характерли нуқталари орасидаги система узатиш хусусиятларини аниқлаш мақсадида берилган структураларни эквивалент эквивалент ўзгартириш усулларини ва ниҳоят системани синтезлашда унинг тузилишини аниқ бир мақсадга йўналтирган ҳолда ўзгартиришни ўз ичига олади.
Структура усулларини алоҳида динамик элементларга қўллаш уларнинг ички тузилишини ечишга имкон беради. Бу ўз навбатида элементларда кечувчи жараён моҳиятини очиқ-ойдин тушунишга ва ижобий таъсир кўрсатувчи ёки номақбул ички боғланишларнинг таъсирини йўқотувчи қўшимча ташқи боғланишлар ташкил қилиш йўли билан хусусиятларни яхшилашга имкон беради.
Структура усуллар вазифасига бўғинлар ва бутун системанинг дифференциал тенгламасини тўла ечиш кирмайди, аммо батафсиллаштирилган тузилиш қидирилаётган ечимни олиш вазифаси юкланган ЭҲМда бевосита ишлатилади.