Автоматика асослари ва микропроцессор техникаси

РОСТЛАШ ОБЪЕКТИНИНГ ХАРАКТЕРИСТИКАЛАРИ
Ростлаш объекти автоматик системанинг асосий қисми бўлганлиги сабабли, уларнииг характеристика ва хоссаларини ўрганиш ростлаш сифатини яхшилаш учун муҳимдир.
Ростлаш объекти статик ва динамик характеристикалар билан характерланади. Объектларни автоматик ростлаш системанинг алоҳида бир звеноси деб қарайдиган булсак , улар чиқиш ва кириш катталикларига эга.

8-расм
Ростлаш объектининг статик характеристикаси деб, унинг мувозанат ҳолатида чиқиш катталиги билан кириш катталиги ўртасидаги боғланишига айтилади. Объектларни статик характеристикаси аналитик, жадвал ва график кўринишда берилиши мумкин. Чизиқли системаларнинг статик характеристикаси умумий ҳолда қуйидагича ёзилади.
Хч = КХк 
К - объектнинг кучайтириш коэффициенти ўзгармас коэффициент бўлиб, унинг қиймати чиқиш катталигини кириш катталигидан неча марта катта эканлигини кўрсатади (8-расм) ва о-бурчакнинг тангенси билан ифодаланилади.
Автоматик системани ташкил қиладиган кўпчилик реал элементлар чизиқли эмас. Бундай системаларни ҳисоблашда уларни чизиқли қилиш учун чизиклаштирилади. Объектларнинг статик характеристикалари экспериментал ёки аналитик усулда аникланади.
Ростлаш объектининг динамик характеристикаси деб, унинг ўгиш режимида чиқиш катталигининг вақт бўйича ўзгариши билан кириш катталиги ўртасидаги боғланишига айтилади. Объектларнинг динамик характеристикаси ўтиш ва частотали характеристикаларга бўлинади.
Объектларининг ўтиш характеристикаси улариинг киришига поғонасимон ғалаёнланиш берилгандаги реакциясини кўрсатади. Объектларнинг частотали характеристикаси эса, уларнинг киришига синусоидал ғалаёнланиш бергандаги реакциясини кўрсатади. Дннамик характеристикаларни статик характеристикалар каби экспериментал ва аналитик усулда олиш мумкин. Ўтиш характеристикасини тажриба йўли билан аниқлашда ростлагич ростлаш объектидан узиб қўйилади ва системани киришига қўл билан поғонасимон ғалаёнланиш берилади. Ҳосил бўлган ўтиш характеристикасидан қуйидаги динамик катталикларни аниқлаш мумкин: кечикиш, ўзгармас вақт коэффициенти - - Т ва узатиш коэффициенти — К (9-расм).