Автоматика асослари ва микропроцессор техникаси

Структура схемаларини ўзгартириш

АРС ларни таҳлилининг қулайлигини таъминлаш учун мураккаб структура тасвирларини оддийроқ схемаларга ўзгартиришни билиш лозим. АРС структура схемасини ўзгартириш йўли билан янги схемани, дастлабкисига фақат кириш йўли ва чиқиш йўли таъсирларига эквивалент схемани оламиз. Ўзгартириш схемани соддалаштирувчи узел ва жамлагичларни кўчириш, алоҳида контурлари айқаш бўлмаган боғланишли схемаларни олишдан иборат. Ҳар бир контур эквивалент узатиш функцияли битта бўғин билан алмаштирилади ва АРС схемаси одатда ҳамма таъсирлари (берилувчи y₀ , тойдирувчи f₀) кириш йўлига келтирилган намунавий структурага келтирилади. (10-расм). узел ва жамлагичларни кўчириш сигнал узатилиши йўналишига мос ёки қарама-қарши бўлиши мумкин.



10-расм. АРС нинг намунавий структураси.

11-расм. Структура ўзгартиришларнинг асосий қоидалари.
Тизимнинг хусусиятини коррекциялаш, кетма-кет ва параллел коррекциялаш. Коррекциялашда қайта боғланишдан ифодаланиш
АБС ни синтезлашда унинг асосий элементлари (бошқариш объекти, датчиклар, ижрочи қурилмалар) берилган деб ҳисобланади ва уни шундай коррекциялаш лозим, системанинг исталган сифати (берилган аниқлиги, тезкорлиги, барқарорлик кўлами) таъминлансин.
Синтезлаш масаласининг ечими умуман олганда бир маъноли, чунки берилган сифат кўрсаткичларини қаноатлантирувчи бир маъноли, аммо турли коррекцияга эга бўлган АБС ларни яратиш мумкин. АБС ни шундай лойиҳалаш лозимки, коррекцияловчи қурилмалар (КҚ) оддий бўлиши, коррекция эса оддийгина амалга ошиши лозим.
Ҳозирги вақтда логарифмик характеристикалардан фойдаланиб коррекциялаш усуллари энг кўп тарқалган бўлиб, миминал фазавий системалар учун фақат ЛАЧХ ни қўллаш кифоядир. (12- расм).

12-расм. АБС ни коррекциялаш.


Техник топшириқ асосида коррекцияланган система ЛАЧХ L_К(w) қурилади. Шу билан бирга дастлабки система маълум характеристикалари бўйича L_Д(w) қурилади. Иккала ЛАЧХ ни таққослаш асосида ҳамда кейинги техник амалга оширишнинг соддалиги нуқтаи назаридан коррекция схемаси (кетма-кет, тескари боғланишли, комбинациялашган) танланади. Ундан кейин коррекциловчи қурилма ЛАЧХ и L_КҚ(w) топилади ва танланади. Турли коррекция схемалари ва мос КҚ ларни кўриб, улардан энг яхшиси танланади.