Abbatisa – ayollar katolik monastirlarining boshqaruvchilari. Abbatlik

Fra (ital.fra, lot.frater – aka) – Italiyada hukmdorga nisbatan an’anaviy koʻrinish kasb etgan murojaat.
Frank-arsher (ozod-kamonchi) – yuz yillik urush davrida, 1448-yildan har 50 shaharlik yoki qishloq aholisi urushga safarbar etadigan harbiy askar, ozod-kamonchi. Nisbatan qurol qoʻllashga mohir, yoshi ulgʻayganlar orasidan saralanib olingan va soliqlar hamda bir qancha majburiyatlardan ozod qilingan (shuning uchun “frank–ozod”). Har bir yurish oldidan toʻplangan. Ularning urushga safarbarligi va urushdan keyingi ta’minoti yuborilgan tomon hisobidan qoplangan.
Franklar – rimliklar tomonidan brukter, xama, hatto kabi mayda german qabilalariga berilgan umumiy nom. III asrdan boshlab qabila ittifoqlariga birlashganlar va Shimoliy Galliyaga kirib kela boshlagan. Shu davrda franklar sali va daryo boʻyi F.ga ajralishgan. 358-yilda imperator Yulian ularni boʻysundiradi, ammo F. janubi-sharq tomon koʻchishni davom ettirishib, V asrning 1-yarmida ular Kambre viloyatini va Galliyaning butun shimoliy–gʻarbiy qismini egallab olishgan. Xlodvig I davrida barcha F. qabilalari birlashtirilgan va amalda butun Galliya egallab olingan. Shu bilan birga, Rim imperiyasi bilan yaqin aloqada boʻlgan ripuar (Reyn daryosining har ikki qirgʻogʻida yashagan F.) F.i ham boʻysundirilgan. Shu tariqa F.ning mustaqil davlati vujudga kelgan. V asr oxirlaridan IX asr oʻrtalariga qadar Yevropaning eng yirik va qudratli davlati sifatida mavjud boʻlib turgan.
Frankoniya – Reyn va Mayn daryolarining oʻrta oqimida joylashgan oʻrta asrlar davri viloyati. U Saksoniya, Tyuringiya, Shvabiya va Bavariya bilan chegaradosh boʻlib, viloyat oʻz nomini V asr oxirlarida shu yerlarga kelib joylashgan franklardan olgan. Franklar davlati qulagunga qadar F. Avstraziya nomi bilan qirollik va imperiya tarkibida boʻlgan. Franklar davlatining inqirozidan keyin (IX asr oʻrtalari) F. gersogligi tashkil topgan.
Frankonlar sulolasi (1024-1125) – german qirollari va imperatorlarining "Muqaddas Rim imperiyasi" davlatida hukmronlik qilgan sulola. Bu sulola hukmdorlari sifatida Konrad II, Genrix III, Genrix IV va Genrix V larni koʻrsatib oʻtish mumkin.