Zoogigiyena va veterinariya sanitariyasi fanidan mustaqil ta‘lim mavzulari

G’ozlarni saqlashda gagiyeia talablari - g’ozlar yaxshi sifatli go‘sht beradi. Bundan tashqari g’oz go‘shtidan tayyorlangan konserva dunyo miqyosida ma’lumdir. Ona g’ozlar qalin to‘shamada mexanizasiyalashgan parrandaxonalarda saqlanadi. Naslli g’ozlar bir bo‘limda 25 tadan saqlanadi. Ularning saqlash qalinligi 1 m² pol yuzasiga 1,5 tadan to‘g’ri kelishi kerak. G’oz saqlanadigan bino yoniga, yayratish maydoni quriladi va u ikkiga bo‘linadi. G’ozlar birinchi maydonda oziqlansa, ikkinchisida dam oladi. G’ozlar, ayniqsa, yoshlari yaylov oziqalaridan yaxshi foydalanib, kuniga 1,5 - 2 kg gacha o‘t yeydi.

G’ozlarni go‘sht uchun boqilganda xo‘jalikning imkoniyatiga qarab intensiv yoki yaylov sharoitida saqlash mumkin. Intensiv usulda g’ozlar boqilganda jo‘jalarini 60 - 75 kunligida og’irligi 4 - 5 kg ga yetadi. Yilning fasliga qarab g’oz jo‘jalarini 20 - 30 kunligigacha isitiladigan binolarda, keyinchalik esa isitilmaydigan binolarda saklash mumkin. Loyiha asosida qurilgan parrandaxonalarda har bo‘limda 150 - 200 tadan yoki 1 m² pol yuzasnda 8 - 10 tadan va hammasi bo‘lib 5000 - 6000 ta g’oz jo‘jasi saklanadi. Binoning poliga 0,7-1,0 kg/m³ ohak sepiladi, ustidan qum va uning ustidan to‘shama solinadi.

G’ozxonalarda g’ozlarning yoshiga qarab havoning harorati 1-5 kunligida +26⁰ - 25°C, 6 - 15 kunligida +24⁰ - 23°C, 16 - 30 kunlignda +22⁰ - 18°C bo‘lishi kerak. Havoning issiq vaqtlarida brudergauzdan o‘tkazilgan jo‘jalarni isitilmaydigan binolarda yoki bostirmalar tagida o‘stirish mumkin. Bunday vaqtda bo‘limlarda 800 - 1000 tagacha yoki 1 m² pol yuzasida 5 - 6 ta g’oz boqiladi. Havoning sovuq vaqtlarida g’ozlar guruh holida 150 - 175 boshdan yopiq binolarda qalin to‘shamada +14°C haroratda saqlanadi.

G’ozlar uchun yorug’lik kuni 15 - 17 soat, sun’iy yorug’lik 10 vt/m² bo‘ladi. Yopiq binolarda har 1 kg tirik vazniga havoning almashinishi 1 - 30 kunligida issiq vaqtlarda 7,0 m³/soat va sovuq vaqtlarda esa 1,3 - 2,1 m³/soat bo‘lishi kerak.