Ўзбекистон республикаси олий ва ўрта махсус таълим вазирлиги мирзо улуғбек номли ўзбекистон

Маъмурий чеклаш чоралари
 
ғайриқонуний ҳаракатни мажбурий тартибда тўхтатиш ва 
уларнинг зарарли оқибатларининг олдини олиш зарур бўлган ҳолларда қўлланилади. Улар ҳам 
хилма-хил бўлиб ижро этувчи органлар (мансабдор шахслар) томонидан қўлланилади. 
Уларга қуйидагилар киради: 
- қонунга хилоф хатти-ҳаракатларни тўхтатиш талаби (масалан, ички ишлар органлари 
ходимлари, фуқаролар ва мансабдор шахслардан маъмурий ҳуқуқбузарликлар содир этишни 
тўхтатишни талаб қилишга ҳақлидирлар); 
- ҳуқуқбузарни ушлаб келтириш; 
- қурол ишлатиш (масалан, ҳайдовчи одамларнинг соғлиғи ва ҳаёти учун ҳақиқий хавф 
туғдираётган бўлса, транспорт воситасини тўхтатиш учун); 
- атрофдагилар учун хавфли бўлган касалликлар билан оғриган шахсларни мажбурий 
даволаш; 
- техник ҳолати белгиланган талабларга жавоб бермайдиган транспорт воситаларидан 
фойдаланишни тақиқлаш; 
- корхона ва ташкилотлар барча учун мажбурий у ёки бу қоидаларни бузган тақдирда 
уларнинг фаолиятини тўхаттиш ёхуд тугатиш ва ҳоказо. 

---

33 
Маъмурий-тикловчи чоралар
 
ашёларнинг аввалги ҳолатини тиклаш, етказилган зарани 
қоплаш мақсадида қўлланилади. Шу боис ушбу чораларнинг тури ва миқдори ҳуқуқбузар етказган 
зарар хусусиятига ва миқдорига боғлиқ. Уларга қуйидагилар киради: 
- рухсат сўрамай қурилган бинолар ва иншоотларни бузиб ташлаш; 
- рухсатсиз эгаллаб олинган турар жойдан кўчириб юбориш; 
- ташкилотлардан қонунга хилоф тарзда эгаллаган нарсаларни олиб қўйиш; 
- вояга етмаган фарзанди етказган зарани унинг ота-онасидан ундириш ва ҳоказо. 
5-§. Маъмурий ҳуқуқбузарлик ва жавобгарлик 
Маъмурий жавобгарлик чоралари
 
ваколатли орган ёки мансабдор шахснинг маъмурий 
ҳуқуқбузарликлар содир этган шахсларга маъмурий жазо қўллашида ифодаланади.