Ўзбекистон Республикаси Халқ таълими вазирлигининг 2011 йил

III. Методика кенгаши ишини ташкил этиш ва унга раҳбарлик қилиш

13. Таълим муассасаларининг ўқув-тарбия жараёнини методик таъминлаш кичик гуруҳининг раҳбари Методика кенгашининг раиси ҳисобланади.

14. Туман Методика кенгаши аъзолигига таълим муассасаларининг ўқув-тарбия жараёнини методик таъминлаш кичик гуруҳининг методистлари, туман фан уюшма раислари, мактабларнинг самарали фаолият кўрсатаётган методика кенгаши раҳбарлари (мактабларнинг ўқув ишлари бўйича директор ўринбосарлари) киритилади.
15. Методика кенгашининг таркиби Туман (шаҳар) халқ таълими муассасалари фаолиятини методик таъминлаш ва ташкил этиш бўлими кенгаши томонидан тасдиқланади .
16. Методик кенгаши йиғилишлари ҳар ойда бир марта ўтказилади.
17. Методика кенгаши фаолиятига боғлиқ барча ташкилий ишлар ва ҳужжатларни юритиш кенгаш котиби томонидан амалга оширилади.
18. Методика кенгаши йиғилишларида режада белгиланган масалалар кўриб чиқилади ва қарорлар қабул қилинади. Йиғилишлар баёни алоҳида дафтарга ёзиб борилади.
19. Методика кенгаши иш режаси, йиғилиш баёнлари дафтари ва ҳисоботи таълим муассасаларининг ўқув-тарбия жараёнини методик таъминлаш кичик гуруҳида 3 йил муддатда сақланади.


IV. Методика кенгашининг фаолияти

20. Методика кенгаши туман тасарруфидаги таълим муассасаларидаги методик кенгаш ва методбирлашмалар фаолиятини ўрганади ва таҳлил қилади, улар фаолиятини такомиллаштиришга оид фикр-мулоҳазалар билдиради, таклифлар тайёрлаб, таълим муассасасига тақдим этади.

21. Ўқув муассасаларидаги оммалаштирилган илғор тажрибаларни ҳамда янги таҳрирдаги ДТС ва ўқув дастурлари, дарсликлар, методик қўлланмаларнинг ўқув жараёнига татбиқ этилишини ҳамда унинг самарадорлигини ўрганади, амалий ёрдам кўрсатади.
22. Таълим муассасаларига кўрсатилаётган методик хизмат самарадорлиги бўйича ҳамда педагогларни қайта тайёрлаш ва малакасини ошириш курсларидан кейинги фаолиятини таҳлил килади ва Халқ таълими муассасалари масъул ходимлари ахборотини эшитади, тавсиялар беради.
23. Таълимга оид янгиликлар юзасидан маърузалар тайёрлайди ва кенгаш аъзолари педагогика, психология, методика ва илмий-оммавий адабиётларга оид янгиликлар, мактабгача, умумий ўрта таълим ҳамда мактабдан ташқари (махсус) таълим муассасалари фаолиятини ривожлантиришга оид йўналишлар, ўқув дастурлари, дарсликларнинг янги авлодлари ва ўқув-методик тўпламлар, видеоматериаллар, тавсиялар, меъёрий ҳужжатлар билан таништириб боради.
24. Ҳар чорак якунида устоз ва шогирдлар ҳамкорлиги натижаси бўйича таълим муассасасидан ва устоз ўқитувчиларни ҳисобот тақдимотларини эшитади.
25. Таълим муассасасининг мониторинг жараёнини ташкил этиш ва ўтказилиши натижалар юзасидан материалларнинг ҳар томонлама танқидий, холисона ва қиёсий (чораклар ва йиллар, синфлар, тегишли фан ўқитувчилари кесимида) таҳлил қилади, мониторинг натижалари асосида амалга ошириладиган ишларнин мониторинг бўлимлари билан хамкорликда белгилаб беради.