Ўзбекистон Республикаси Халқ таълими вазирлигининг 2011 йил

II. Тажриба-таянч муассасаларининг асосий вазифалари

4. Тажриба-таянч муассасасалари туман ўқитувчи (тарбиячи)ларининг узлуксиз касбий маҳоратларини ошириш ҳамда ижодкор ўқитувчи(тарбиячи)ларнинг фаолиятини шакллантириш учун шарт –шароитлар яратади.

5. Туман (шаҳар) таълим муассасаларида фаолият кўрсатаётган педагог ходимлар, мактабгача таълим, умумтаълим мактаб, мактабдан ташқари таълим муассасалари раҳбарлари ва методбирлашма раислари учун педагогик фан ютуқларини тезкорлик билан ўзлаштириб олиш, таълим-тарбия методлари ва таълимни модернизациялаш даврида раҳбарлик қилиш кўникмалари, таълимдаги янгиликлар ва ўқитиш методларини амалиётга жорий этишга оид ўқишлар (ўқув семинарлари, семинар тренинглар ва бошқалар) ташкил қилади.
6. Таълимни ривожлантириш истиқболлари йўналишидаги иш тажрибаларни ўрганади, умумлаштиради ва оммалаштиради.
7. Тажриба-таянч муассасалари қошида “Фан олимпиадалари заҳиралари мактаби”, “Ривожлантириш гуруҳи” , “Келажакдаги ўқувчи” гуруҳи ташкил этилади.
8. Тажриба-таянч мактаблар ҳудуддаги Педагогларни қайта тайёрлаш ва малакасини ошириш институтларининг курс тингловчилари билан амалий машғулотларни ташкил этиш базаси ҳисобланади.
III. Тажриба-таянч муассасанинг иш мазмуни

9. Тажриба-таянч муассасаларида таълимни ривожлантириш дастурлари, Давлат таълим стандартлари(давлат талаблари)ни жорий этиш ҳамда сифатли таълим-тарбия бериш, бола шахсини тарбиялаш ва ривожлантириш ишларни ташкил этади.

10. Жамоа ва шахсларнинг эҳтиёжларига кўра методбирлашма раислари билан Давлат таълим стандартлари талабларини ўзлаштиришни ҳамда методик ишларни тизимли амалга ошириш дастурини шакллантиришга оид ишларни олиб боради.
11. Педагог, раҳбар, методбирлашма, метод уюшмалар раислари билан ишлаш иш шакли доимий ҳаракатдаги семинар ҳисобланади. Ҳаракатдаги семинарлар методик кунларга режалаштирилади. Семинарларда мунозара, ишбилармонлар ўйини, якка ва жамоага йўриқнома бериш, очиқ машғулотлар, кўргазмалар орқали илғор иш тажрибалари кўрсатилади.
12. Тажриба-таянч муассасалари туман педагогларининг касбий маҳоратини оширишга оид ишларни ташкил этади. Ушбу мақсадда очиқ машғулотлар (маъруза, семинар, амалий машғулотлар, йўриқнома бериш ва бошқалар), дарсдан ташқари тадбирлар (синфи, мавзуси, методик мақсади, сана, вақти, педагог исми фамилияси кўрсатилган ҳолда) шунингдек, семинар ўтказиш тартиби, педагоглар ижодий ҳисоботлари жадвалини тузиб барча таълим муассасаларига етказади.
13. Педагогларни қайта тайёрлаш ва малакасини ошириш институти кафедралари билан хамкорликда педагоглар малакасини оширишга оид мавзули қисқа муддатли курслар, семинар ўқишлар, очиқ дарслар, иш тажриба тақдимотларини ташкил этади.