III. Методика уюшмасининг ишини ташкил этиш ва
унга раҳбарлик қилиш
26. Туман (шаҳар) миқёсида мактабгача таълим бўйича бир нечта йўналишда (мактабгача таълим муассасалари раҳбари, методистлари, тарбиячилари, психологлари, мусиқа раҳбарлари ва бошқа йўналишларда), бошланғич таълим йўналиши бўйича битта, 5-11синфлар учун эса ўқув режасидаги ҳар бир фан бўйича алоҳида, шунингдек мактабдан ташқари таълим йўналиши бўйича биттадан Методика уюшмаси ташкил этилади.
27. Методика уюшмасига ҳар бир таълим муассасасидан камида биттадан (одатда, мактаб фан Методика бирлашмалари раҳбарлари муассаса раҳбарининг тавсияси билан аъзо қилиб олинади)
28. Методика уюшмасига тегишли фан ёки йўналиш бўйича туман (шаҳар)даги энг ижодкор ва тажрибали ўқитувчи (тарбиячи) уюшма йиғилишида сайланган раис раҳбарлик қилади.
29. Методика уюшмаси раиси ва унинг аъзолари уюшма фаолиятини юритишда жамоатчилик асосида фаолият кўрсатади.Уюшма раиси ва унинг фаол аъзолари Туман (шаҳар) халқ таълими муассасалари фаолиятини методик таъминлаш ва ташкил этиш бўлими томонидан маънавий ва моддий рағбатлантирилади.
30. Методик уюшма фаолиятига боғлиқ барча ташкилий ишлар ва ҳужжатларни юритиш таълим муассасаларининг ўқув-тарбия жараёнини методик таъминлаш кичик гуруҳи методисти томонидан амалга оширилади.
31. Устоз-шогирдларнинг индивидуал режаси бўйича билим, кўникма, малакаларни ўзлаштириб боришларини, индивидуал режасида белгиланган тадбирларнинг ўз вақтида тўлиқ ва сифатли бажарилишига амалий ёрдам беради.
32. Узлуксиз малака ошириш жараёни мониторингини олиб боради, ҳисоботларни эшитади, очиқ дарслар ташкил этади.
33. Устоз-шогирдларининг дарсларини кузатишни ташкиллаштиради, таҳлил қилади, амалий-услубий тавсиялар беради.
34. Замонавий ўқув-лаборатория асбоб-ускуналари ва жиҳозларидан самарали фойдаланиш бўйича шогирдларига илғор педагогик тажрибаларни ўргатади ва амалга татбиқ қилишга кўмаклашади.
35. Методика уюшмалари фаолияти таълим муассасаларининг ўқув-тарбия жараёнини методик таъминлаш кичик гуруҳи ҳузуридаги Методика кенгаши томонидан мувофиқлаштириб борилади.
36. Методика уюшмасининг йиғилиши икки ойда камида бир марта ўтказилади. Уюшма йиғилишлари маълум бир масалани муҳокама қилиш ёки ўқув семинари шаклида ташкил қилиниши мумкин .
37. Методика уюшмаси йиғилишларида белгиланган масалалар кўриб чиқилади ва қарорлар қабул қилинади.
38. Йиғилиш баёнлари дафтари, уюшма иш режаси ва хисоботи Методика кабинетида 3 йил муддатда сақланади.
Do'stlaringiz bilan baham: |