Ўзбекистон Республикаси Халқ таълими вазирлигининг 2011 йил

III. Педагогика кенгаши фаолиятини ташкил этиш ва иш мазмуни

6. 
   Таълим муассасаси раҳбари педагогика кенгашнинг раиси ҳисобланади ва унинг фаолиятини бошқаради. Педагогик кенгаш котиби бир йил муддатга сайлаб қуйилади.
   
7. 
   Ўқув йили давомида Педагогик кенгаш йиғилишлари ўқув йили бошланишидан аввал ва ҳар чорак якуни бўйича ўтказилади. Зарурият бўлган ҳолларда навбатдан ташқари йиғилишлар ҳам ўтказилиши мумкин.
   
8. 
   Педагогика кенгаши аъзоларининиг камида учдан икки қисми қатнашиб, улардан кўпчилиги ёқлаб овоз берсалар, қарор қабул қилинган ҳисобланади.
   
9. 
   Кенгашнинг навбатдан ташқари чақирилган йиғилишида эса кенгаш аъзоларининг камида учдан бир қисми иштирок этишлари керак.
   
10. 
    Овоз бериш тартиби кенгаш йиғилишида очиқ овоз бериш йўли билан белгиланади.
    
11. 
    Педагогика кенгашини ўтказиш вақти, жойи ва кун тартиби бир ой олдин эълон қилинади.
    
12. 
    Кенгашда муҳокама қилинадиган материаллар доимий ҳамда вақтинчалик ташкил топган гуруҳлар ёки мактаб маъмурияти тайинлаган педагоглар томонидан тайёрланади.
    
13. 
    Илғор ўқитувчилар иш тажрибаларини ўрганиш, оммалаштириш, ёш ўқитувчиларга методик ёрдам уюштириш ишларини амалга ошириш йўлларини белгилайди.
    
14. 
    Педагогика кенгашида, мактабнинг иш режаси, ўқитувчилар метод бирлашмаси, мактаб ходимларининг ҳисоботлари, ўқувчиларнинг ўзлаштириш якунлари, ўқувчиларни синфдан-синфга кўчириш, уларнинг мактабни битирганликлари, мактабни оталиққа олган ташкилот хисоботи, мактабнинг санитария-гигиена режимига риоя этиши ва мактаб ҳаётига доир бошқа масалалар муҳокама қилинади.
    
15. 
    Кенгаш ўқитишнинг илғор усулларини жорий этиш бўйича тажриба-синов ишларини олиб бориш, мактабнинг илмий-тадқиқот институтлари, кўнгилли жамият, ижодий уюшмалар, бошқа давлат ва нодавлат ташкилотлар билан ўзаро ҳамкорлик қилиш йўналишларини аниқлайди.
    
16. 
    Ўқув-тарбия жараёнини ташкил этишда ва таълим самарадорлигини оширишда мақбул шарт-шароитлар яратишга оид қарорлар қабул қилади, педагогик жамоанинг маълум йўналишлардаги фаолиятини таҳлил қилади ва якуний хулоса чиқаради, эҳтиёжлар асосида буюртмалар беришнинг йўлга қўйилиш ҳисоботини тинглайди ва тегишли қарор қабул қилади. Малака ошириш курсидан қайтган педагогларнинг ҳисоботларини тинглайди.