Ўзбекистон Республикаси Халқ таълими вазирлигининг 2011 йил

НИЗОМ

Мазкур Низом мактабгача таълим муассасаларидаги педагогик кенгашнинг фаолиятини тартибга солади.

I. Умумий қоидалар

1. Мактабгача таълим муассасаларида таълим-тарбия жараёнини ривожлантириш, такомиллаштириш, муассаса фаолияти билан боғлиқ барча ташкилий масалаларни мувофиқлаштириш, педагогларнинг касб маҳорати ва ижодкорлигини ривожлантириш мақсадида Педагогика кенгаши фаолият кўрсатади.

2. Педагогика кенгаши коллегиал орган ҳисобланиб, педагогик жамоа, ота-оналар, ҳомийларни бирлаштириб, “Мактабгача ёшдаги болалар ривожланишига қўйиладиган Давлат талаблари” асосида таълим-тарбия жараёнини такомиллаштиришга, муассаса фаолияти билан боғлиқ вазифаларни амалга оширишга хизмат қилади.
3. Педагогик кенгаш ўз фаолиятини ташкил қилишда Ўзбекистон Республикаси Конституцияси, “Таълим тўғрисида”ги Қонуни, Кадрлар тайёрлаш миллий Дастури, Ўзбекистон Республикаси Вазирлар Маҳкамасининг 2007 йил 25 октябрдаги “Мактабгача таълим соҳасидаги норматив-ҳуқуқий ҳужжатларни тасдиқлаш тўғрисида”ги 225-сонли қарори, Халқ таълими вазирининг қарор ва буйруқлари, муассаса Устави ҳамда мазкур Низомга амал қилади.

4. Педагогика кенгаши қарорини бажариш муассасанинг ҳар бир ходими учун мажбурийдир.

II. Педагогик кенгашнинг асосий вазифалари

5. Педагогик кенгаш вазифаси қуйидагилардан иборат:

таълим муассасаси педагогик жамоа фаолиятини йўналтириш, тарбияланувчиларнинг эгаллаши лозим бўлган билим, малака ва кўникмаларини ривожлантириш, “Мактабгача ёшдаги болалар ривожланишига қўйиладиган Давлат талаблари”нинг бажарилишини таъминлаш;
таълим-тарбия жараёнини ташкил этиш самарадорлигини оширишда мақбул шарт-шароитлар яратишга доир қарорлар қабул қилиш;
педагог ходимларнинг нуфузи ва методик салоҳиятини ошириш, уларнинг ташаббускорлигини қўллаб-қувватлаш ва ривожлантириш бўйича мақсадли ишларни ташкил этиш;
педагог ходимларнинг нуфузи ва методик салоҳиятини ошириш, уларнинг ташаббускорлигини қўллаб-қувватлаш ва ривожлантириш бўйича мақсадли ишларни ташкил этиш;
педагогик жамоанинг маълум йўналишлардаги фаолиятини таҳлил қилиш ва якуний хулоса бериш;
илғор педагогларнинг иш тажрибаларини ўрганиш, оммалаштириш, ёш педагогларга методик ёрдам кўрсатиш ишларини амалга ошириш йўлларини белгилаш;
“Устоз-шогирд” анъаналари, узлуксиз малака ошириш борасида олинган ҳисоботлар юзасидан хулосалар тайёрлаш ва уларнинг бажарилишини назорат қилиш;
тарбияланувчиларга умуминсоний ва миллий қадриятларга асосланган маънавий-аҳлоқий ҳисларни сингдириш, бола шахсини шакллантиришда таълим жараёнига замонавий педагогик технологияларни татбиқ этиш;
таълим олувчиларни маънавий юксак, умуминсоний ва миллий руҳда, ўз ватани, халқини ардоқловчи шахс сифатида тарбиялаш юзасидан таклифлар бериш;