Ўзбекистон Республикаси Халқ таълими вазирлигининг 2011 йил

IV. Тажриба-таянч муассасаси ишини ташкил этиш

14. Тажриба-таянч муассаса танлов асосида Туман (шаҳар) халқ таълими муассасалари фаолиятини методик таъминлаш ва ташкил этиш бўлимининг буйруғи билан белгиланади.

15. Тажриба-таянч муассаса иш режаси туман фан (йўналиш) методика уюшмаси иш фаолияти билан мувофиқлаштирилган ҳолда тузилади.
16. Тажриба-таянч муассасалари таълим муассасаларининг ўқув-тарбия жараёнини методик таъминлаш кичик гуруҳининг Методика кенгаши ишлари, педагогларнинг мунтазам малакаларини ошириб бориш, методика бўйича тавсиялар бериш, Методика марказлари билан алоқани амалга ошириш учун семинарлар ташкил қилади.
17. Тажриба-таянч муассаса ўз ишини таълим муассасаси раҳбари раислигидаги кенгаш орқали ташкил этади. Тажриба-таянч муассаса фаолияти тумандаги фан (йўналиш) Методика уюшмасининг раиси раҳбарлигида амалга оширилади.


V. Тажриба-таянч муассасанинг ҳужжатлари

18. Тажриба-таянч муассасаси фаолиятига доир қуйидаги ҳужжатлар бўлиши шарт:

иш режа;
йиғилиш, семинар баённомалари ва таянч-муассасалар фаолиятига доир ҳужжатлар;
ҳисоботлар; юқори ташкилотлардан келиб тушган ўқув-методик ҳужжат ва материаллар нусхаси.

Ўзбекистон Республикаси Халқ таълими вазирлигининг 2011 йил 4 июндаги 144-сонли буйруғига 9-илова

Туман (шаҳар ) фан Методика уюшмалари тўғрисида


НИЗОМ

Мазкур Низом таълим муассасаларидаги фан ва йўналиш бўйича Методика бирлашмаларини фаолиятини мувофиқлаштириш, амалий ёрдам кўрсатиш тарбини белгилайди.

I.Умумий қоидалар

1. Ўзбекистон Республикаси ҳудудидаги барча туман (шаҳар) Халқ таълими тизимида умумий ўрта таълим мактабининг бошланғич таълим йўналиши ва ҳар бир ўқув фани, мактабгача ва мактабдан ташқари таълим йўналишлари бўйича Методика уюшмалари фаолият кўрсатади.

2. Методика уюшмаларининг мақсади тегишли фан ёки йўналиш бўйича мактаб Методика бирлашмалари фаолиятини мувофиқлаштириб бориш, тегишли фан ва йўналишлар бўйича янги педагогик технологияларни ва илғор тажрибаларни ўрганиш, ижодий ташаббусларни уйғунлаштириш, таълим-тарбия беришнинг замонавий усулларини ишлаб чиқиш, уларни таълим муассасаларида амалиётга татбиқ этиш, ўқитувчи (тарбиячиси) ларга методик ёрдам бериш, уларнинг касбий маҳоратларини мунтазам такомиллаштириб боришда кўмаклашишдан иборат.
3. Методика уюшмалари ўз фаолиятида Ўзбекистон Республикасининг “Таълим тўғрисида”ги қонуни, Кадрлар тайёрлаш миллий дастури, халқ таълими бошқаруви органлари томонидан тасдиқланган меъёрий ҳужжатлар ҳамда ушбу Низомга амал қилади.