Ўзбекистон Республикаси Халқ таълими вазирлигининг 2011 йил

V. Методика кенгаши ҳужжатлари

26. Методика кенгаши фаолиятига доир қуйидаги ҳужжатлар бўлиши шарт:

йиллик иш режа;
йиғилиш баённомалари;
ҳисоботлар;
Методика кенгаши фаолиятига алоқадор бўлган ўқув-методик ҳужжатлар нусхаси.
Методика кенгашига халқ таълими бошқаруви органларидан келиб тушган ўқув- методик ҳужжатлар нусхалари.

Ўзбекистон Республикаси Халқ таълими вазирлигининг 2011 йил 4 июндаги 144-сонли буйруғига 8-илова

Туман (шаҳар) халқ таълими муассасалари фаолиятини методик таъминлаш ва ташкил этиш бўлими ҳузуридаги таълим муассасаларининг ўқув-тарбия жараёнини методик таъминлаш кичик гуруҳи қошидаги тажриба-таянч муассасалар тўғрисида


НИЗОМ

Мазкур Низом Туман (шаҳар) халқ таълими муассасалари фаолиятини методик таъминлаш ва ташкил этиш бўлимларининг таълим муассасаларининг ўқув-тарбия жараёнини методик таъминлаш кичик гуруҳи қошида инновацион ишлар бўйича тажриба-таянч муассасалари белгилаш, уларни умумтаълим муассасаларига узлуксиз методик хизмат кўрсатиш тартибини назарда тутади.

I.Умумий қоидалар

1. Туман (шаҳар) халқ таълими муассасалари фаолиятини методик таъминлаш ва ташкил этиш бўлимларининг таълим муассасаларининг ўқув-тарбия жараёнини методик таъминлаш кичик гуруҳи қошида инновацион ишлар бўйича тажриба-таянч муассасалари белгиланиб, улар тумандаги умумтаълим муассасаларига узлуксиз методик хизмат кўрсатиш базаси ҳисобланади.

2. Билимдон раҳбар, ижодий изланувчан жамоаси мавжуд, таълим–тарбия жараёнида замонавий методлардан фойдаланаётган ҳамда замонавий моддий–техника базасига эга бўлган таълим муассасасидан Туман (шаҳар) халқ таълими муассасалари фаолиятини методик таъминлаш ва ташкил этиш бўлими, вилоят Педагогларни қайта тайёрлаш ва малакасини ошириш институти ва Методика (Таълим) маркази билан келишилган ҳолда тажриба-таянч муассасалари белгиланади.
3. Туманда тажриба-таянч муассасасаларининг эҳтиёжларидан ҳамда жойлардаги шароитдан келиб чиққан ҳолда тегишли фан (йўналиш) бўйича туманда битта ва бир нечта ташкил этилади.