Ўзбекистон Республикаси Халқ таълими вазирлигининг 2011 йил

III. Таълим муассасаларининг ўқув-тарбия жараёнини методик таъминлаш
кичик гуруҳининг ҳуқуқлари

29. Таълим муассасаларининг ўқув-тарбия жараёнини методик таъминлаш кичик гуруҳи ўзига юклатилган мақсад ва вазифаларни амалга оширишда қуйидаги ҳуқуқларга эга:

таълим мазмуни самарадорлигини ошириш ва такомиллаштиришга оид масалаларни ва таклифларни туман (шаҳар) методик таъминлаш, ўкувчиларни касбга йўналтириш ва давлат таълим стандартлари мониторинги гуруҳи кенгаши муҳокамасига тақдим этади;
методик таъминлаш, ўқувчиларни касбга йўналтириш ва давлат таълим стандартлари мониторинги гуруҳи раҳбари билан келишилган ҳолда туман (шаҳар) тасарруфидаги таълим муассасаларидаги таълим-тарбия жараёнларига амалий-методик ёрдам кўрсатиш мақсадида методистлар хизмат сафарига боришлари мумкин;
методик таъминлаш, ўқувчиларни касбга йўналтириш ва давлат таълим стандартлари мониторинги гуруҳи раҳбари билан келишилган ҳолда туман ва шаҳар миқёсида илмий-амалий ва методик анжуманлар, доимий ҳаракатдаги семинар-кенгашлар, ўқув-тренинглар ташкил этади;
тажрибали педагогларни, мутахассисларни олимпиада ва кўрик-танловларни ўтказишда эксперт гуруҳларига, ҳакамлар ҳайъати таркибига жалб қилади;
таълим муассасалари педагог ходимларини аттестациядан ўтказиш жараёнида ҳамда таълим муассасаларини аттестация ва акредитациядан ўтказишда қатнашади ва ўз таклифларини киритади


IV. Таълим муассасаларининг ўқув-тарбия жараёнини методик таъминлаш
кичик гуруҳининг бошқаруви ва ходимлари

30. Таълим муассасаларининг ўқув-тарбия жараёнини методик таъминлаш кичик гуруҳи методистлари туман (шаҳар) халқ таълими муассасалари фаолиятини методик таъминлаш ва ташкил этиш бўлими қошидаги методик таъминлаш, ўқувчиларни касбга йўналтириш ва давлат таълим стандартлари мониторинги гуруҳи раҳбари тавсияси билан олий маълумотли, камида 3 йил педагогик иш стажига эга бўлган мутахассислар туман (шаҳар) халқ таълими муассасалари фаолиятини методик таъминлаш ва ташкил этиш бўлими мудири томонидан ишга қабул қилинади.

31. Ўқув фанларидан Давлат таълим стандартлари асосида таълим жараёнини ташкил этишда методик ёрдам кўрсатиш, ўқув-семинарларга раҳбарлик қилиш мақсадида таълим муассасаларининг ўқув-тарбия жараёнини методик таъминлаш кичик гуруҳи ҳузурида фан уюшмалари, ресурс марказлари (таянч мактаблари), ёш ўқитувчилар мактаби, илғор тажриба мактаблари фаолият кўрсатади. Методик уюшма ва ресурс марказлари (таянч мактаблари), ёш ўқитувчилар мактаби, илғор тажриба мактабларига тегишли йўналиш ва ўқув фани бўйича туман (шаҳар) таълим муассасаларидан энг ижодкор ва тажрибали ўқитувчи (тарбиячи) раҳбарлик қилади.