Ўзбекистон Республикаси Халқ таълими вазирлигининг 2011 йил

III. Методик кенгаш фаолиятидаги асосий йўналишлар

Фанлар кесимида ўқитилишнинг натижасини таҳлил қилиш;

ўқув дастури мазмунига минимал ўзгартириш киритишда иштирок этиш;
ўқув фани бўйича дарс (машғулотлар) ўтиш методикасига оид методик маъруза уюштириш ва ўқитувчи(тарбиячи)ларнинг малакасини ва малакавий тоифасини оширишда иштирок этиш;
тақвим-мавзу режасини муҳокама қилиш ва тасдиқлаш;
янги ахборот технологияларни жорий этиш бўйича педагогик тадқиқотлар олиб бориш;
ўқув лаборатория базасини такомиллаштириш бўйича ишларни ташкиллаштириш;
тажриба алмашиш мақсадида методбирлашма аъзоларининг дарс(машғулот)ларини кузатиш ва таҳлил қилиш;
мактаб (мактабгача таълим муассасаси)да методбирлашма доирасида ижодкор, иқтидорли ўқувчи(тарбияланувчи)лар билан алоҳида иш олиб борилишини таъминлаш;
ўзаро тажриба алмашиш мақсадида фанлараро боғлиқлиги бўлган методбирлашмалар билан қўшма кенгаш ўтказиш;
ўзаро тажриба алмашиш мақсадида бошқа таълим муассасалари методбирлашмалари иш тажрибасини ўрганиш;
тажрибасиз ва ёш мутахассисларни илғор иш тажрибага эга бўлган педагогларга бириктиришни ташкил этиш;
фанлар бўйича олимпиада, конкурслар , мусобақалар ўтказиш бўйича меъёрий ҳужжатларни ишлаб чиқиш;
“Устоз-шогирд” методи бўйича узлуксиз малака ошириш юзасидан ҳисоботларини эшитиш ва хулосалар тайёрлаш;
Узлуксиз малака ошириш якунлари юзасидан Туман (шаҳар) халқ таълими муассасалари фаолиятини методик таъминлаш ва ташкил этиш бўлимига таклиф ва хулосаларни тақдим этиш.
IV. Кенгаш ишини ташкил этиш

7. 
   Методик кенгаш таркиби ўқув муассасасининг директори(мудираси) буйруғи билан расмийлаштирилади.
   
8. 
   Методик кенгаш таркибига метод бирлашма раислари, илғор ўқитувчилар, ўқув муассасасининг директори(методист) ва ўринбосари киради.
   
9. 
   Методик кенгашга умумтаълим мактаб директорининг ўқув ишлари бўйича ўринбосари,мактабгача таълим муассасаси методисти раҳбарлик қилади.
   

10. Кенгаш иши тузилган йиллик иш режа асосида ташкил этилади.
Иш режа кенгаш раиси томонидан тузилиб, раҳбар билан келишилган ҳолда методик кенгашда кўриб чиқилади ва муассаса педагогика кенгашида тасдиқланади.
11. Кенгаш йиғилиши ҳар чоракда бир марта ўтказилади. Кенгаш баённомасига кенгаш раиси ва котиби имзо қўяди. Агар кенгашда бошқа йўналишдаги масалалар муҳокама қилинса, ўша йўналиш раҳбари таклиф этилади қабул қилинган тавсиялар кенгаш йиғилишларини қайд этиш китобига киритилади.