Universiteti jurnalistika fakulteti

Suvsiz qolgan o’zan singari.
Keltirilgan misol shuni ko’rsatadiki, inson yolg’izlikka chidolmaydi. Yolg’izlik insonni tamom qiladi. O’zbek lingvomadaniyatida oilaviy hamjihatlik, bir-biriga mehribon bo’lish yuksak qadriyat sanaladi. Yolg’izlik semasi suvsiz qolgan o’zanga o’xshatilmoqda. Bunda chol konseptida qovjirab leksemasi orqali “mehrga zor inson” semasi aks etgan.
Ishon odam bahorga ishon,
qara, go’dak kabi beg’ubor
minginchi bor olovday porloq
gullarini ko’rsatar bahor⁹⁵.
Ushbu she’rdagi o’xshatish zamirida insonga xos bo’lgan xususiyat mavjud bo’lib, go’dakdek beg’ubor o’xshatishida inson konsepti bilan bog’liq bo’lib insonlarning eng beg’uborlik vaqti bu go’dakligi davri nazarda tutilgan. Ya’niki fasillar kelinchagi bahor ham insonning eng …davriga qiyoslangan.
“Baland daraxtlar” she’ridan:
Past daraxtlar esa
kunni to’sdi deb,
egallab oldi deb yuksak olamni,
baland daraxtlarning g’iybatin qilar
har o’tgan yo’lovchi elga zorlanib.
Sho’rliklar,
Bilmaslar o’sha yuksakda
Yovuz shamollarga tutib boshlarin.
Vodiyda gul tukkan past daraxtlarning
Umrini asragan mard qardoshlarin.
Osmonqasirg’alar,
Muzlar maskani,
Buyuk olishuvlar qizigan maydon,
Dunyoda bor ekan baland daraxtlar
Yurtimiz bog’lari bo’lmaydi vayron⁹⁶.
Yer yuzida shunday insonlar borki, ular kimlar uchundir qilayotgan yaxshiligini hechkimga sezdirmaydi, o’zi boshqalar uchun qalqon bo’ladi turli xil dashnomlarga qolsa ham. Yana shunday insonlar borki ular uchun xizmat qilayotgan ular uchun qayg’urayotgan insonlarni yaxshiligini ko’raolmaydigan toifa insonlar bor. Ular saviyasi o’zidan ham past shu sababli dunyoga faqat kichik nazar bilan boqadi. Shavkat rahmon esa anashunday insonlarni she’rida daraxtlarga o’xshatib inson konseptini yana bir tomonini ochib bergan. Baland daraxtlar bu mard insonlar nazarda tutilgan. Vatanimiz himoyachilari, sodiq rahbarlar xalqparvar insonlar baland daraxtlarga o’xshatilgan.