Surxondaryo viloyati kasbiy taʼlimni rivojlantirish va muvofiqlashtirish hududiy boshqarmasining 2022-2026 yillarda professional taʼlimi tizimini rivojlantirish konsepsiyaSI

g) professional taʼlim muassasalarning moddiy-texnik taʼminoti sohasida:

professional taʼlim muassasalarning maxsus fanlar bo‘yicha nazariy dars berish xonalari, o‘quv ustaxonalari yangi jihozlar bilan taʼminlanmagan, shu kungacha sobiq kasb-hunar kollejlari jihozlaridan foydalanilmoqda, bu yangi tashkil etilgan mutaxassiliklarni yetarli darajada o‘qitish imkoniyatini bermaydi, sport zallari va maydonchalari kerakli inventarlar bilan jihozlanmagan, sinf xonalari kerakli jihozlar, laboratoriya uskunalari, kompyuter texnikasi bilan yetarli taʼminlanmagan, mavjudlari jismonan va maʼnan eskirgan, bu ota-onalar va o‘quvchi talabalarning professional taʼlim tizimiga nisbatan eʼtirozlariga sabab bo‘lmoqda;

oxirgi 3 yilda professional taʼlim muassasalariga qo‘shimcha binolar qurish, rekonstruksiya qilish va mukammal taʼmirlash ishlari investitsiya dasturiga kirmay kelinmoqda;
professional taʼlim muassasalari asosan ilgarigi kasb-hunar kollejlari jihozlari bilan shakllangan, mavjud jihozlar maʼnan va jismonan eskirgan iqtisodiy taraqqiyotgan orqada qolgan, yangi jihozlar bilan taʼminlab borish, professional taʼlim muassasalardagi mavjud qishloq xo‘jalik texnikalari, avtotranportlar va boshqa mavjud texnikalarni taʼmirlash uchun qo‘shimcha mablag‘ ajratish talab etilmoqda;
qishloq xo‘jaligi sohasiga ishchi xodimlar tayyorlaydigan professional taʼlim muassasalarda o‘quv-tajriba uchun yer maydonlari ajratilmagan, tajriba yer maydonlari mavjud bo‘lgan taʼlim muassasalarda davlat rejalari belgilangan;
optimallashtirish jarayonida kasb-hunar maktablarini tashkil etishda ayrim xatoliklarga yo‘l qo‘yilgan, ayrim taʼlim muassasalari tuman markazidan chetda joylashgan, ularga maktab o‘quvchilarini jalb etish qiyin ko‘chmoqda, bu taʼlim muassasalarida yotoqxonalar mavjud emas va jamoat transporti qatnovi yo‘lga qo‘yilmagan, o‘quvchilarning transport vositalaridan foydalanishlariga qo‘shimcha imtiyozlar yaratilmagan;
kasb-hunar maktablarining 32 foizida qo‘shimcha jihozlashga ehtiyoj mavjud, ishlatilayotgan jihozlarning 60 foizi maʼnan va jismonan eskirganligi uchun almashtirilishi kerak;
kasb-hunar maktablariga 8 ta yotoqxona, 14 tasiga oshxona va 3 tasiga ustaxona qurish. 12 tasiga optik tola tortish lozim;
14 ta professional taʼlim muassasalarida isitish tarmoqlarini kapital taʼmirlash zarur;
12 ta kasb-hunar maktablari kapital taʼmirlashga mo‘htoj, professional taʼlim muassasalarining binolarini qurish, rekonstruksiya qilish va kapital taʼmirlash bo‘yicha investitsiya dasturiga kiritish kerak;