Surxondaryo viloyati kasbiy taʼlimni rivojlantirish va muvofiqlashtirish hududiy boshqarmasining 2022-2026 yillarda professional taʼlimi tizimini rivojlantirish konsepsiyaSI

b) professional taʼlim muassasalarining kadrlar bilan taʼminlanishi sohasida:

professional taʼlim muassasalarida joriy etilgan mutaxassisliklarga mos dars beruvchi kadrlarni tayyorlash tizimi oliy taʼlim muassasalarda yetarli darajada joriy etilmaganligi, ayrim mutaxasssislik fanlariga, shuningdek ingliz tili va boshqa chet tillari kabi fanlar bo‘yicha pedagog kadrlar yetishmovchiligi kuzatilmoqda;

oliy taʼlim muassasalariga qabul qilish jarayoniga professional taʼlim muassasalari bitiruvchilari uchun o‘qishga kirishda imtiyozlarning yo‘qligi;
professional taʼlim tizimiga ayrim mutaxassiliklarga nopedagog va nomutaxassis kadrlar jalb etilishi, texnikum va kollejlarda oylik maoshlarining kamligi tufayli ilmiy salohiyatga ega bo‘lgan mutaxassilarning jalb etilishi qiyin ko‘chmoqda;
professional taʼlim muassalarida ishlab chiqarish taʼlimiga sobiq kasb-hunar kollej bitiruvchilari jalb etilgan, shu asosda ishlab chiqarish taʼlimi ustalarining 15-20 foizini o‘rta maxsus maʼlumotli mutaxassislar tashkil etmoqda;
professional taʼlim muassalarida ilmiy darajali mutaxassislar jalb etilmagan, faoliyat yuritayotgan pedagoglarning 5 foizi toifali o‘qituvchilarni tashkil etmoqda, qolgan o‘qituvchilar bilim berishga emas dars soatlarini ko‘paytirish evaziga ishlashmoqda;
professional taʼlim muassasalari pedagoglari o‘quv-meʼyoriy hujjatlarni yuritishlarida qog‘ozbozlikka yo‘l qo‘yilgan, O‘zbekiston Respublikasi Vazirlar Mahkamasining 2008 yil 1 avgustdagi 165-sonli Qaroriga o‘zgartirish va qo‘shimchalar kiritilmagan;
o‘qituvchilarni attestatsiyadan o‘tkazishning yangi tizimi joriy etilgan bo‘lsada, unda pedagoglarning doimiy malaka va toifalarini oshirib borishning majburiyligi, attestatsiyadan o‘ta olmagan o‘qituvchilarni ishda qolish-qolmaslik muammolari yechimi hal etilmagan;
professional taʼlim muassasalari bitiruvchilarining malaka darajalarining pastligi sababli o‘z mutaxassiliklari bo‘yicha ishga joylashish muammolari mavjud va taʼlim muassasalari bitiruvchilarining o‘z kasbi bo‘yicha mehnat qilish motivatsiyasi past darajada qolmoqda;
rofessional taʼlim muassasalarga pedagog kadrlarni ishga qabul qilishda ularning malaka darajasini aniqlash uchun aniq talablarni ishlab chiqish lozim;
direktor va o‘qituvchilar bilishi va bajarishi kerak bo‘lgan aniq belgilangan milliy professional standartlarning mavjud emasligi, ularning salohiyati o‘sishiga hamda amaldagi muassasalar rahbarlarini tanlash va tayinlash tartibining samarasizligiga olib kelmoqda;
professional taʼlim muassasalari o‘qituvchilarining turli oliy taʼlim muassasalari va yangi tashkil etilgan mintaqaviy malaka oshirish kurslarida tayyorlanishi joriy etilganligi va ularning o‘qishlari yetarli darjada nazorat qilish tizimi yaratilmaganligi, malaka oshirish kursidan o‘tgan va o‘tmaganlarga imtiyoz yoki chora ko‘rish mexanizmining ishlab chiqilmaganligi;
ishlab chiqarish taʼlimi ustalarini bazaviy (zavod, fabrikalarda, jumladan xorijiy korxona)larda malaka oshirishlarini yo‘lga qo‘yish talab etilmoqda;
ko‘p yillik mehnat stajiga ega yuqori malakali va tajribali pedagoglarning ingliz tili yoki kompyuter savodxonligi bo‘yicha yetarli bilimga ega emasligi sababli attestatsiyadan o‘ta olmaslik holatlari kuzatilmoqda;
professional taʼlim muassasalarda o‘quvchilar sonining taʼlim muassasa quvvatiga nisbatan o‘ta kam bo‘lganligi sababli kadrlar tarkibi salohiyati pastligi tufayli talab darajasidagi taʼlim sifati taʼminlanmayapti va kadrlar qo‘nimsizligi kelib chiqmoqda;