|
b) iqtidorli bolalar va isteʼdodli yoshlar bilan aniq maqsadga yo‘naltirilgan ishlarni amalga oshirish tizimini yaratish:
professional taʼlim muassasalari o‘quvchilarini fan olimpiadalari, xalqaro olimpiada va boshqa tanlovlar, shuningdek Worldskills kasbiy musobaqalariga keng qamrovli ishtirokini taʼminlash;
oliy taʼlim muassasalarining ilmiy-tadqiqot va innovatsion faoliyati negizida tashkil etilgan biznes-inkubator va texnoparklaridagi innovatsion infratuzilmani rivojlantirishdagi faoliyatini professional taʼlim muassasalarida tashkil etish;
professional taʼlim muassasalarda tadbirkorlik subʼektlari bilan hamkorlikda mahalliylashtirish va import o‘rnini bosish dasturiga alohida eʼtibor qaratgan holda kasbiy malaka o‘quv markazlarini tashkil qilish;
oliy taʼlim muassasalari bilan integratsiyalashgan holda ish olib borayotgan texnikumlarda talab yuqori bo‘lgan mutaxassiliklarda o‘tiladigan fanlarni chuqurlashtirib o‘qitilishini tashkil etish va bu sohadagi texnikum talabalarini oliy o‘quv muassasalariga imtiyozli (suhbat asosida) kirish imkoniyatlarini kengaytirish;
oliy taʼlim muassasalarining ilmiy salohiyatga ega pedagogik jamoasini professional taʼlim muassasalarida iqtidorli bolalar bilan ishlashga va taʼlim sifatini baholashga jalb qilish;
nodavlat professional taʼlim muassasalari tarmog‘ini kengaytirish, zarur hollarda iqtidorli bolalar va isteʼdodli yoshlarga manfaatdor jamoat tashkilotlari, tijorat tashkilotlarining yordami va homiyligi orqali yakka tartibda grantlar ajratish yo‘li bilan qo‘llab-quvvatlagan holda, ularning kelgusida taʼlim olishlariga imkoniyat yaratish;
xalqaro standartlarga mos keluvchi mutaxassiliklarni o‘rganayotgan talabalarning ishlab chiqarish amaliyotlarini rivojlangan xorijiy davlatlarda hamkorlik dasturlari orqali o‘tkazilishini joriy etish;
v) Professional taʼlim muassasalarda o‘qitish usullarini takomillashtirish, zamonaviy innovatsion dars berish tizimiga o‘tish:
professional taʼlim muassasalari o‘quvchilarida kasb tanlash, kasbiy o‘sishini mustaqil rejalashtirish, zamonaviy kasblarni egallash qobiliyatini rivojlantirish;
o‘quvchilarga zamonaviy darsliklar, o‘quv-uslubiy qo‘llanmalar, axborot-kommunikatsiya texnologiyalari va multimedia ilovalaridan keng foydalanish imkoniyatlarini yaratish;
kasb-hunarga o‘qitishni takomillashtirish va ishlab chiqarishning ko‘plab jarayonlarini avtomatlashtirish tendensiyalarining rivojlanayotganligini inobatga olgan holda o‘quv ishlab chiqarish ustaxonalarida foydalaniladigan moddiy bazani qayta ko‘rib chiqish va uni yangilash choralarini ko‘rish;
kompetensiyalar va o‘quv jarayonini interaktiv boshqarish mahorati tamoyillariga asoslangan pedagogik faoliyatni baholash mezonlarini ishlab chiqish;
professional taʼlim kutubxonalarini o‘quvchilar mustaqil tayyorlanadigan zamonaviy (smart) markazlarga aylantirish maqsadida ularning foydali maydonlarini kengaytirish va moddiy-texnik jihozlash, yagona axborot tizimiga birlashtirish, shuningdek O‘zbekiston Milliy kutubxonasi elektron resurslariga ulanish orqali ularning rolini oshirish;
taʼlim muassasalarida o‘quv-tarbiya jarayonini samarali tashkil etish maqsadida yangi, shu jumladan muqobil yondashuvlarni o‘rganishga va ilmiy asoslashga yo‘naltirilgan amaliy xarakterdagi ilmiy izlanishlarni rivojlantirish;
o‘quv muddatlarini o‘zgartirmagan holda o‘quvchilar tomonidan o‘zlashtirish kompetentligini kengaytirishni taʼminlovchi zamonaviy taʼlim texnologiyalaridan foydalanishni kengaytirish;
zamonaviy innovatsion iqtisodiyot talablariga muvofiqlikni taʼminlash maqsadida professional taʼlim standartlari tizimini muntazam takomillashtirib borishga takliflar berish;
o‘qitilayotgan mutaxassiliklarga kam bog‘lanuvchi va uzviy bog‘liq bo‘lmagan fanlardan o‘quv dasturidan bosqichma-bosqich voz kechish va o‘quv fanlari sonini optimallashtirish;
professional taʼlim muassasalarda kasbiy taʼlim berish ko‘lamini kengaytirish va shu asosda nazariy taʼlim hajmini kamaytirgan holda to‘liq dual tizimida taʼlim berishni rivojlantirish;
kasbiy taʼlim jarayonini tashkil etishda axborot-kommunikatsiya texnologiyalari sohasida hamda xalqaro bozorda talab katta bo‘lgan mutaxassisliklar bo‘yicha yirik tijorat tashkilotlarini jalb qilish;
axborot-kommunikatsiya texnologiyalari sohasida kelajak kasblar uchun zarur bo‘ladigan malakali bitiruvchilarni tayyorlashda ilg‘or xorijiy tajribalarni o‘rgangan holda professional taʼlim muassasalarida informatika fanini o‘qitishga alohida eʼtibor qaratish «IT-Nation” dasturini joriy etish;
professional taʼlim muassasalari bitiruvchilarining xorijda ishlashlari uchun mukammal imkoniyatlarni yaratish uchun chet tillari, informatika, ijtimoiy-siyosiy fanlarini chuqur o‘rganishga eʼtibor qaratish;
taʼlim muassasalarining axborot ochiqligi asosida kasb-hunar taʼlimi sifatini baholash va doimiy jamoatchilik monitoringi mexanizmini joriy qilish;
professional taʼlim muassasalarini boshqarish va taʼlim sifatini nazorat qilishda jamoatchilik va yirik korxonalar va tijorat tashkilotlarining ishtirokini taʼminlash;
o‘quvchilar uchun raqamli texnologiyalardan foydalanishning umumiy darajasini oshirish maqsadida professional taʼlim muassasalarining asosiy o‘quv dasturlariga doimiy o‘zgartirishlar kiritib borish;
axborot texnologiyalari sohasidagi tashkilotlarning o‘quv jarayonlariga qatnashishini rag‘batlantirish orqali professional taʼlim muassasalarda informatika fanini o‘qitish metodlarini takomillashtirish;
professional taʼlim muassasalarda «Bir million dasturchi” loyihasini keng qamrovda joriy qilish.
Do'stlaringiz bilan baham: |
