Surxondaryo viloyati kasbiy taʼlimni rivojlantirish va muvofiqlashtirish hududiy boshqarmasining 2022-2026 yillarda professional taʼlimi tizimini rivojlantirish konsepsiyaSI

v) professional taʼlim muassasalarda o‘quv jarayonini tashkil etish sohasida:

o‘quvchilarda professional taʼlim olishga kuchli motivatsiyani shakllantirish talab etilmoqda;

kasb-hunar maktablari o‘quvchilari uchun yetarli imtiyozlar yaratilmaganligi sababli, o‘qishga qatnash qiyinchiligi va boshqa muammolar tufayli o‘quvchilar o‘z maktalariga qaytib ketish hollari kuzatilmoqda;
professional taʼlim muassasalari o‘quv reja va dasturlariga mazmuniy yuklama bermaydigan ayrim fanlar kiritilgan;
professional taʼlim muassasalari pedagoglarining metodik taʼminotini yaxshilash va ularga majburiy bajarilishi lozim bo‘lgan qog‘oz ishlanmalarini kamaytirish, o‘qituvchilarning zamonaviy professional taʼlim berishlari uchun axborot kommunikatsiya texnologiyalardan foydalanish darajasini kengaytirish lozim;
professional taʼlim muassasalari faoliyatining tashkil etilganligiga 2 yil to‘lganligiga qaramy bu sahaga doir bironta ham yangi darsliklar chop etilmagan, professional taʼlim muassasalarda sobiq kasb-hunar kollejlari bazasidagi darsliklardan foydalanib kelinmoqda, bu darsliklarning mazmunan eskirib qolganligi sababli tayyorlanayotgan mutaxassiliklar uchun ajratilgan fanlar yuzaki o‘tilishi bo‘lajak yosh ishchilarning kasbiy sifatlariga salbiy taʼsir ko‘rsatmoqda;
foydalanilayotgan darsliklar sifatini oshirish, xorijiy o‘quv qo‘llanmalarini qo‘shimcha yoki muqobil o‘quv materiallari sifatida qo‘llash amaliyotini yo‘lga qo‘yish talab etilmoqda;
xorijiy tillar va axborot-kommunikatsiya texnologiyalarini o‘qitish jarayoniga moddiy baza yetarli emas;
professional taʼlim muassasalar o‘quvchilari va ularning ota-onalari bilan nizolarni hal qilish va jinoyatchilikning oldini olish bo‘yicha samarali ichki tizim, shuningdek o‘quvchilarni xavf guruhidan chiqarish uchun maktab o‘qituvchilari va psixologlari malakasini oshirish yuzasidan maxsus dasturlar ishlab chiqish talab etilmoqda;
texnikumlar va kollejlarda talabalar sonining 12 va undan ortiq bo‘lganda o‘quv guruhlarining shakllanishi hisobida o‘quvchilar kam qabul qilinmoqda, natijada shartnoma-to‘lov mablag‘laridan tushgan mablag‘lar o‘qituvchi va boshqa xizmat xodimlari oylik maoshlarini to‘lanishida muammolar kelib chiqmoqda;
professional taʼlim muassasalarda o‘qituvchilarga beriladigan oylik maoshlarining boshqa taʼlim sohasidagi o‘qituvchilarning oylik maoshidan pastligi natijasida malakali mutaxassis pedagoglarni jalb etish ishlari qiyin kechmoqda;
MSKO-11 ning 5-darajasigacha mos keluvchi va oliy taʼlim tizimi bilan integratsiyalashgan taʼlim dasturlari asosida kadrlar tayyorlaydigan texnikumlarga oliy taʼlim muassasalarining hamkorligi sezilmayapti;
professional taʼlim muassasalarda zamonaiy darslarni o‘tishda innovatsion o‘quv xonalari yetishmaydi va ularni tashkil etish va jihozlashga mablag‘ ajratilmagan, o‘quvchilarning smartfon va boshqa axborot vositalaridan foydalanishlari cheklangan.
professional taʼlim muassasalarida taʼlim-tarbiya jarayonini nazorat qilish, taʼlim sifatiga qarab direktorlarga va boshqa masʼullarga nisbatan keskin choralar ko‘rilishi mahalliy hokimiyatlar va keng jamoatchilik nazoratidan chetda qolmoqda.