Surxondaryo viloyati kasbiy taʼlimni rivojlantirish va muvofiqlashtirish hududiy boshqarmasining 2022-2026 yillarda professional taʼlimi tizimini rivojlantirish konsepsiyaSI

Surxondaryo viloyati kasbiy taʼlimni rivojlantirish va muvofiqlashtirish hududiy boshqarmasining 2022-2026 yillarda professional taʼlimi tizimini rivojlantirish
KONSEPSIYaSI


1-bob. Umumiy qoidalar
1. Surxondaryo viloyati kasbiy taʼlimni rivojlantirish va muvofiqlashtirish hududiy boshqarmasining 2022-2026 yillarda rivojlantirish konsepsiyasi O‘zbekiston Respublikasi Prezidentining 2022 yil 28 yanvarda “Xalq taʼlimini takomillashtirish” bo‘yicha o‘tkazilgan videoselektorida belgilab berilgan topshiriqlarni amalga oshirish yuzasidan ishlab chiqilgan.
2. Konsepsiya viloyat professional taʼlimi tizimining 5 yil muddatda rivojlanishining asosiy yo‘nalishlarini belgilab beradi, jumladan:
professional taʼlim tizimi mazmunini sifat jihatidan yangilash, shuningdek professional kadrlarni tayyorlash, qayta tayyorlash va malakasini oshirish;
o‘qitish metodikasini takomillashtirish, taʼlim-tarbiya jarayoniga individuallashtirish tamoyillarini bosqichma-bosqich tatbiq etish;
professional taʼlimi sohasiga zamonaviy axborot-kommunikatsiya texnologiyalari va innovatsion loyihalarni joriy etish;
professional taʼlimi muassasalarining moddiy-texnika bazasini mustahkamlash, budjet va budjetdan tashqari mablag‘ bilan taʼminlashning samaradorligini oshirish;
yoshlarni tarbiyalash, kasb-hunarga o‘rgatish va ularning bandligini taʼminlash;
davlat-xususiy sherikligi asosida yangi professional taʼlim muassasalarini tashkil etish;
yoshlar taʼlim-tarbiyasi uchun qo‘shimcha sharoitlar yaratishga qaratilgan kompleks chora-tadbirlarni o‘z ichiga olgan beshta tashabbusni amaliyotga tatbiq etish;
professional taʼlim muassasalari xodimlarining mehnatiga haq to‘lash, moddiy rag‘batlantirish va ijtimoiy himoya qilish darajasini bosqichma-bosqich oshirib borish.


2-bob. Viloyat professional taʼlimi tizimining joriy holati va mavjud muammolar.

1. Hozirgi vaqtda professional taʼlimi tizimi boshlang‘ich, o‘rta va o‘rta maxsus professional taʼlimni o‘z ichiga oladi.

2. Xalqaro tasniflagichning 3-darajasiga mos keluvchi taʼlim dasturlari asosida 9-sinf bitiruvchilarini ijtimoiy qo‘llab-quvvatlashga qaratilgan boshlang‘ich professional taʼlim bosqichida kadrlar tayyorlaydigan kasb-hunar maktablari, Xalqaro tasniflagichning 4-darajasigacha mos keluvchi taʼlim dasturlari asosida kadrlar tayyorlaydigan vazirlik va idoralar tizimida faoliyat ko‘rsatadigan kollejlar, oliy taʼlim muassasalari huzurida faoliyat yuritadigan, MSKO-11 ning 5-darajasigacha mos keluvchi va oliy taʼlim tizimi bilan integratsiyalashgan taʼlim dasturlari asosida kadrlar tayyorlaydigan texnikumlar faoliyat yuritadi.
2022 yil 1 yanvar holatiga ko‘ra Surxondaryo viloyatida 28 ta kasb-hunar maktablari, 12 ta kollejlar va 17 ta texnikumlar mavjud.
Professional taʼlim muassasalarida umumiy o‘quvchilar soni 24898 nafarni tashkil qiladi. Kasb-hunar maktablarida to‘liq, kollej va texnikumlarda 10 foizgacha o‘quvchi talablar davlat budjeti hisobidan tahsil oladi.
Professional taʼlim tizimidagi kasb-hunar maktablari 47 ta, kollejlarda 32 ta va texnikumlarda 36 ta kasb bo‘yicha mutaxassilar tayyorlash tashkil etilgan.
3. Professional taʼlim tizimini viloyatda rivojlantirishda, yoshlar va katta yoshdagilarga zamon talablariga mos ravishda taʼlim-tarbiya berishda ayrim bo‘shliq va kamchiliklar mavjud, shu jumladan: