Surxondaryo viloyati kasbiy taʼlimni rivojlantirish va muvofiqlashtirish hududiy boshqarmasining 2022-2026 yillarda professional taʼlimi tizimini rivojlantirish konsepsiyaSI

d) professional taʼlimi tizimini moliyalashtirish sohasida:

professional taʼlimi tizimini moliyalashtirishda mablag‘larni samarali va shaffof tizim asosida taqsimlash va foydalanish talab etilmoqda, shuningdek taʼlim muassasalari ixtiyoridagi budjetdan tashqari topilgan mablag‘lardan erkin foydalanish mexanizmi yaratilmagan va bunga ayrim to‘siqlar mavjud;

professional taʼlimi muassasalariga davlat budjetidan ajratilgan xarajatlarning asosiy qismi ish haqiga sarflanib, o‘quv jihozlari va materiallarini yangilashga, yangi va qo‘shimcha binolarini taʼmirlashga yetarli mablag‘ yo‘naltirilmayapti.
kollej va texnikumlarda o‘qituvchilar va texnik xodimlarning oylik maoshlari talabalar to‘lov shartnoma pullaridan tushgan mablag‘lar hisobidan qoplanishi amalda tadbiq etilgan va bu qoplamaydi, kollej, texnikumlar xodimlari oylik maoshlarini to‘liq budjetdan moliyalashtirish maqsadga muvofiq;
kollejalar faoliyatini tugatib texnikumlarga aylantirish va professional taʼlim tizimi mexanizmini bir tizimga muvofiqlashtirish taqozo etilmoqda.


3-bob. Viloyatda professional taʼlimi tizimining asosiy maqsad va rivojlanish yo‘nalishlari

1. Viloyatda professional taʼlimi tizimining rivojlanishi mazkur Konsepsiya ilovasida belgilangan maqsadli ko‘rsatkichlarga erishishga asoslanadi.

2. Quyidagilar viloyat kasbiy taʼlimni rivojlantirish va muvofiqlashtirish boshqarmasi va professional taʼlimi tizimining strategik maqsadlari hisoblanadi:
professional taʼlim tizimida iqtisodiyotning innovatsion rivojlanishi, ilg‘or xalqaro tajriba va jamiyatning zamonaviy talablariga muvofiq sifatli professional taʼlim olish imkoniyatlarini yaratish;
inson kapitalini mehnat bozorida va umuman mamlakatda professional taʼlim olishlarida o‘quvchilarning raqobatbardoshlik darajasini belgilovchi asosiy omil sifatida rivojlantirish.
3. Uzoq istiqboldagi maqsadli vazifalardan kelib chiqib, viloyatda professional taʼlim tizimini rivojlantirish quyidagi ustuvor yo‘nalishlarga asosan amalga oshiriladi: