Surxondaryo viloyati kasbiy taʼlimni rivojlantirish va muvofiqlashtirish hududiy boshqarmasining 2022-2026 yillarda professional taʼlimi tizimini rivojlantirish konsepsiyaSI

a) Professional taʼlimni boshqarish sohasida:

hududiy boshqarma xodimlarining, professional taʼlim muassasalari o‘qituvchilari, ishlab chiqarish taʼlimi ustalarining oylik maoshlari pastligi sababli professional taʼlim tizimini yo‘lga qo‘yishda malakali mutaxassisilarni jalb etish qiyin kechmoqda;

hududiy boshqarmalarda professional taʼlim muassasalari rahbarlarini rag‘batlantirish yoki intizomiy choralar ko‘rish vakolatlari yetarli darajada emas;
professional taʼlim muassasalari rahbarlari, o‘rinbosarlarini attestatsiyadan o‘tkazish tizimini takomillashtirish, professional taʼlim muassasalari rahbar tarkibi qayta ko‘rib chiqilmagan;
professional taʼlim muassasalari faoliyatini tashkil etishda taʼlim sifatini yuqori bosqichga ko‘tarish hamda mavjud muammolarni o‘z vaqtida hal etish talab etilmoqda;
professonal taʼlim muassasalariga yuklatilgan vazifalarni amalga oshirish bo‘yicha tashkiliy-huquqiy mexanizmlarning yetishmasligi amalga oshirilayotgan islohotlarning samaradorligiga salbiy taʼsir ko‘rsatmoqda;
mahalliy davlat hokimiyati organlari professional taʼlim muassasalari faoliyatini chuqur tahlil qilmasdan, faqatgina statistik va boshqa maʼlumotlarni to‘plash bilan chegaralanayotganligi joylardagi haqqoniy holatni aniqlashga to‘sqinlik qilmoqda;
pofessional taʼlim muassasalarini boshqarish, ishlarni rejalashtirish va tashkil etish jarayonida zamonaviy axborot-kommunikatsiya texnologiyalaridan foydalanish darajasi pastligi;
professional taʼlimi tizimida ijtimoiy va davlat-xususiy sheriklikning rivojlanmaganligi;
professional taʼlim tizimida boshqaruv vertikalini amalga oshirish mexanizmining yetarlicha rivojlanmaganligi sababli hududiy boshqarma rolining sezilarli darajada pasayishiga sabab bo‘lmoqda;
professional taʼlim muassasalariga o‘quvchi va talabalrni qabul qilish, shuningdek o‘quv jarayonida turli shakldagi korrupsiya elementlariga barham berish bo‘yicha samarali mexanizmlarni joriy qilish talab etilmoqda;
xalq taʼlimi bo‘limlarida o‘quvchilarni kasbga yo‘naltirish ishlarining to‘g‘ri yo‘lga qo‘yilmaganligi natijasida umumtaʼlim maktablarining 9-sinf bitiruvchilari kasb-hunar maktablariga turli sabablar bilan kelib qolgan va buning oqibatida o‘quvchi yoshlarning o‘z maktablariga qaytib ketish hollari kuzatilmoqda;
kasb-hunar maktablariga qabuli bo‘yicha platformani 3-chorak yakuniga qadar ko‘rib chiqilishiga imkoniyat yaratilishini ko‘zda tutish taqozo etadi.