Qutlimuratov nurbek matkarimovichning mahalliy xomashyolar va chiqindilar asosida yangi ionitlar sintezi

Tadqiqot natijalarining ilmiy va amaliy ahamiyati. Tadqiqot natijalarining ilmiy axamiyati geterogen sharoitda polivinilxlorid asosidagi olingan PVX-A-N-1, PVX-A-N-2 hamda polivinilxlorid asosida olingan sulfokationitdan tarkibida oltingugurt va azot tutgan polamfolit olish jarayonlarining fizik kimyoviy xossalarini etish orqali jarayon borishini boshqarish mumkin bo‘lgan ionit olish mumkinligini ko‘rsatish bilan izohlanadi.
Tadqiqot natijalarining amaliy ahamiyati mahalliy xomashyo hamda chiqindilar asosida olingan PVX-A-N-1, PVX-A-N-2 hamda polivinilxlorid asosida olingan poliamfolit yordamida sanoatda korxonalari uchun suvlarni tuzsizlantirish, chiqindi suvlarini ekologiyaga salbiy ta’sir ko‘rsatuvchi turli xil zaharli va og‘ir metall ionlaridan tozalash, gidrometallurgiya sanoatida texnologik eritmalarni konsentrlash va ulardan rangli metallarni ajratib olishdan iboratdir.
Tadqiqot natijalarining joriy qilinishi. Mahalliy xomashyo polivinilxlorid plastikatini chiqindi dietanolamin va monoetanolaminlar ishtrokida modifikatsiyalab olingan anionitning fizik-kimyoviy xossalari bo‘yicha, olingan ilmiy natijalar asosida:
Polivinilxloridni Monoetanolamin va dietanolamin bilan modifikatsiyalab olingan ionitlarning sorbsion xossalari “MAXAM-ChIRChIQ”AJ mutaxasislari bilan birgalikda oqava suvlarni turli xil ionlardan tozalovchi mini uskuna yaratildi, 19-15/50^A ma’lumotiga asosan ekologik va iqtisodiy samaradorlikka ega ekanligini aniqlandi;
mahalliy xomashyolar va chiqindilar asosida sintez qilingan ionitlar: jumladan tarkibida azot saqlagan anionitlar hamda ham amino ham sulfo guruh saqlagan poliamfolitlar sorbentlar «Muborak gazni qayta ishlash zavodi» AJda texnik nazorat bo’limi (TNB) qoshidagi kimyoviy tahlil laboratoriyasida oqava suvlar tarkibidan metall ionlari va turli zaharli ta’sir etuvchi anionlarni sorbsiyasiga sinovdan o’tkazilganda 1052/GK-12(20.12.2021-y) ma’lumotnomasiga asosan suv tarkibida 1,2% miqdorda metal ionlari qolganligi, hamda xlorid, atsetat va dixromat ionlari umuman qolmaganligi kuzatiladi.