Qutlimuratov nurbek matkarimovichning mahalliy xomashyolar va chiqindilar asosida yangi ionitlar sintezi

Tadqiqotning maqsadi: Mahalliy xomashyolar va chiqindilar asosida ionitlar sintezi
Tadqiqotning vazifalari:
mahalliy xomashyo (plastikat polivinilxlorid)ni tarkibida dietanolamin hamda monoetanolaminlar saqlagan gazlarni tozalashda ishlatib bo‘lingan chiqindilar bilan modifikatsiyalash orqali tarkibida amino guruh saqlgan polimer material olinishiga ta’sir etuvchi omillarni o’rganish orqali maqbul sharoitlarini aniqlash;
polivinilxloridni dietanolamin hamda monoetanolaminlar mavjud chiqindilar bilan modifikatsiyalash orqali tarkibida amino guruh tutgan ionitlarning kimyoviy tarkibi va tuzilishini identifikatsiyalash;
polivinilxlorid asosida olingan sulfokationitni chiqindi dietanolamin hamda monoetanolaminlar bilan modifikatsiyalash orqali tarkibida amino- va sulfoguruhlari tutgan poliamfolit olishning maqbul sharoitlarini aniqlash va uning kimyoviy tarkibini identifikatsiyalash
olingan ionitlarning fizik hamda kimyoviy xossalarini tadqiq qilish;
mahalliy xomashyo hamda chiqindilar asosidagi yangi ionitlarning qo‘llanish sohalarini aniqlash maqsadida ionitlarning turli xil ionlariga nisbatan sorbsion xossalarini tadqiq qilish;
Tadqiqotning ob’ekti sifatida polivinilxlorid, sulfokationit, gazlarni tozalashda ishlatib bo‘lingan tarkibida dietanolamin hamda monoetanolaminlar mavjud chiqindilar, anionitlar, poliamfolit, turli xildagi metall tuzlari olingan.
Tadqiqotning predmetini modifikatsiyalash, oksidlash, sorbsiya, regeneratsiya, desorbsiya, g‘ovaklik darajasi, kimyoviy barqarorligi, jarayonlar kinetikasi, sorbsiya kinetikasi va izotermasi tashkil etgan.
Tadqiqotning usullari. Tadqiqotlar jarayonida IQ - spektroskopiya, (O’zRFA Bioorganik kimyo instituti (SHIMADZU), polimerlar kimyosi instituti(BRUKER)) Avstrya WENA universiteti(IQ-Fyure trakcer-1100) , element tahlil, (Avstrya WENA universitetiSEM-Euro) skanerlovchi elektron mikroskopiya (Avstrya WENA universitetiSEM-Euro ECA-EURO), differensial termik tahlil, UB- spektroskopiya, titrlash, yutilish jarayonlarini o‘rganishda sorbsiya izoterma nazariyalari (Lengmyur, Freyndlix, Tyomkin, Dubinin-Radeshkevich hamda Flori-Xaggins), sorbsiya kinetikasi (psevdo-birinchi va psevdo-ikkinchi tartibli kinetik modellari) kabi zamonaviy nazariy va eksperimental tadqiqot usullari qo‘llanilgan.