Qonun ijodkorligi bosqichlarini muhokama qilish orqali vaziyatga huquqiy baho bering

---

21. Qonun davlatning oliy vakillik organi (yoki referendum orqali xalq) tomonidan belgilangan tartibda qabul 
qilinadigan, eng muhim va barqaror ijtimoiy munosabatlarni tartibga solishga qaratilgan oliy yuridik kuchga 
ega bo‘lgan normativ-huquqiy hujjat bo‘lib, uni tayyorlash muayyan bosqichlarda amalga oshiriladi.
Qonunchilik palatasi tomonidan qabul qilinib, Senat tomonidan maqullangan Qonun imzolash uchun 
O‘zbekiston Respublikasi Prezidentiga yuborildi. Prezident esa qonunning ayrim moddalariga e’tiroz bildirib, 
tavsiya va takliflar bilan qonunni Qonunchilik palatasiga qaytardi. Prezident tomonidan qaytarilgan qonun 
to‘g‘ridan to‘g‘ri qayta ko‘rib chiqish uchun Qonunchilik palatasi majlisining kun tartibiga kiritildi. Lekin 
Qonunga hech qanday o‘zgartirish va qo‘shimchalar kiritilmasdan, u Qonunchilik palatasi deputatlar umumiy 
sonining ko‘pchilik ovozi bilan qabul qilindi va imzolash uchun O‘zbekiston Respublikasi Prezidentiga 
yuborildi. Prezident qonunni Qonunchilik palatasi tomonidan qayta ko‘rib chiqish tartibiga amal 
qilinmaganligini ta’kidlab, qonunni imzolamadi. 
Qonun ijodkorligi bosqichlarini muhokama qilish orqali vaziyatga huquqiy baho bering. 
Javob 
Kazusni hal qilishda IRAC metodidan foydalanamiz: 
I – Issues (Muammolar) 
Mazkur vaziyatni tahlil qilish uchun quyidagi masalalarga oydinlik kiritish talab etiladi:
−
Qonunchilik tashabbusi va uning bosqichlari nimalardan iborat ? 
−
Prezident qonun loyihasining ayrim moddalariga e’tiroz bildirib, tavsiya va takliflar bilan qonunni 
Qonunchilik palatasiga qaytarishga haqlimi ? 
−
Prezident tomonidan qaytarilgan qonunning Qonunchilik palatasi majlisida qayta ko‘rib chiqish tartibi 
qanday ? 
−
Prezident qonunni Qonunchilik palatasi tomonidan qayta ko‘rib chiqish tartibiga amal qilinmaganligini 
ta’kidlab, qonunni imzolamasligi huquqiy jihatdan to’g’rimi ?