Qonun ijodkorligi bosqichlarini muhokama qilish orqali vaziyatga huquqiy baho bering

Huquqni amalga oshirishning o‘ziga xos tomonlarini muhokama qiling va keltirilgan holat bo‘yicha 
fikrlaringizni asoslab bering 
Huquqni amalga oshirish
– bu davlat tomonidan yuridik jihatdan mustahkamlangan va kafolatlangan 
imkoniyatlarning amalga oshirilishi bo‘lib, huquq normalarini kishilar va ularning tashkilotlari faoliyatida 
hayotga tatbiq etilishidir. Huquqni amalga oshirish 
subyektlariga ko‘ra quyidagi turlar
ga bo‘lish mumkin: 
individual; jamoa tomonidan. 
Huquq normalariga rioya qilish.
Huquq sub’ektlarining muayyan huquq normalariga rioya etishlari orqali 
taqiqlovchi normalar amalga oshiriladi. Huquq normalarini amalga oshirishning mazkur shakli mazmuni 
shundaki, bunda huquq sub’ekti qonunchilik bilan taqiqlangan harakatlarni sodir etishdan o‘zini tiyib turadi. 
Masalan, yo‘l harakati qoidalariga amal qilgan holda svetoforning qizil chirog‘idan o‘tmaslik. 
Huquq normalarini bajarish.
Huquqni amalga oshirishning ushbu shakli huquq sub’ektlaridan majburiy 
ko‘rsatmalarni hayotga joriy etish bilan bog‘liq faol harakatlarni talab qiladi. Masalan, fuqarolar qonun bilan 
belgilangan soliqlar va mahalliy yig‘imlarni to‘lashga majburdir. 
Huquq normalaridan foydalanish.
Huquqdan foydalanish huquq sub’ektlarining qonun hujjatlarida nazarda 
tutilgan huquqlarni amalga oshirishga qaratilgan faoliyatidir. Ayni paytda huquq sub’ektlari o‘zlarining 
irodasi bo‘yicha belgilangan huquqlardan ixtiyoriy ravishda foydalanadi. Masalan, fuqarolar kasaba 
uyushmalariga, siyosiy partiyalarga va boshqa jamoat birlashmalariga uyushish, ommaviy harakatlarda 
ishtirok etish huquqiga egadir. 
Huquq normalarini qo‘llash. 
Huquq normalarini qo‘llash vakolatli davlat organi yoki mansabdor shaxslar 
tomonidan muayyan huquqiy vaziyatlar uchun individual aniq ko‘rsatma (qaror, buyruq, 
farmoyish) chiqarish orqali huquq normalarini amalga oshirishga yo‘naltirilgan faoliyatdir. Masalan, muayyan 
shaxsni ishga qabul qilish to‘g‘risida buyruq, sudning hal qiluv qarori, hukmi.