Qarshi davlat universiteti a dabiyotshunoslik kafedrasi bibliografiyashunoslik

1986 yilgi “Bibliografik faoliyat. Asosiy tushuncha va izohlar” nomli GOST 7.0-84”da bibliografiya tushunchasi umuman tushib qolgan, bibliografik faoliyat esa bibliografik axborotga bо‘lgan talabni bajaruvchi axborot faoliyati sifatida keltiriladi.
2000 yil 1 iyuldan Rossiyada kuchga kirgan “Axborot-kutubxonachilik faoliyati, bibliografiya” nomli GOST 7.0-99da Bibliografiyaga: Bibliografik axborotni tayyorlashni, uni tarqatishni va undan foydalanishni ta’minlovchi axborot infratuzilmasi deb ta’rif beriladi. Buni anglab etish uchun axborot infratuzilmalari va bibliografik axborotni tushunib olish zarur.
Davlat standartida axborot infratuzilmasi axborot resurslariga iste’molchilarning kirib borishini ta’minlovchi axborot markazlari, ma’lumotlar banki va bilimlarning, aloqalar tizimining yig‘indisi, deb ta’rif beriladi.
Axborot markazi - axborotni yig‘ish, tahliliy qayta ishlash va tarqatish vazifasini bajaruvchi tashkilot.
Axborot resurslari umumiy ma’noda ishonchli axborotni olish uchun tashkil etilgan ma’lumotlar yig‘indisi bо‘lib, u matbuot asari va elektron hujjat kо‘rinishida bо‘ladi.
Bibliografiyashunoslik - bibliografiya nazariyasi, tarixi, metodologiyasi, texnologiyasi, metodikasi va tashkil etishni о‘rganuvchi ilmiy fan. Bibliografiya umuman bibliografiyani aniq bir yо‘nalishda о‘rganuvchi va tadqiq qiluvchi ilmiy fanlar yig‘indisini aks ettiradi. Bir vaqtning о‘zida bibliografik faoliyatning jarayonlarini, ayrim turlarini va qirralarini nazariy, tarixiy, metodik va tashkiliy nuqtai nazardan u yoki bu bilim sohasining о‘ziga xos xususiyatlarini hisobga olgan holda о‘rganish va tadqiq qilish talab etiladi. Bu bilan xususiy bibliografiyashunoslik shug‘ullanadi.
Bibliografiya nazariyasi - bibliografiyaning ijtimoiy ahamiyatini о‘rganadi, ilmiy konsepsiyasini va tushunchalar tizimini ishlab chiqadi, hozirgi zamon bibliografik amaliyotni ilmiy tahlil qilishning metodologik negizini ishlab chiqadi, bibliografiyaning va bibliografik fanlarning axborot faoliyati va informatika, kutubxonachilik ishi va kutubxonashunoslik, kitob ishi va kitobshunoslik bilan о‘zaro aloqasini tahlil qiladi.