Qarshi davlat universiteti a dabiyotshunoslik kafedrasi bibliografiyashunoslik

Bibliografik kirish - bu matn boshidagi muallif ismi-sharifi, sarlavha, kitobxon guruhi, maqsadi va boshqalar; asar boshida avtobiografik xarakterdagi ma’lumot; matndagi va matndan tashqaridagi asar sarlavhasi; matn sо‘ngidagi yozuvlar haqida ma’lumot.
Hozirda bibliografik kirish tushunchasi matn bilan tanishishga qadar asar haqidagi eng zarur, qisqa ma’lumotlarni aks ettiruvchi titul (sarvaraq) sahifasi tushuniladi. Qadimgi antik adabiyotda bunday ma’lumotlar “bilim beruvchi” didaktik, hikoya va qо‘shiq janridagi asarlarda qо‘llanilgan 22 ta adabiy yodgorliklarda ana shunday ma’lumotlar borligi aniqlangan. Bibliografik kirish tuzilishi о‘sha davr uchun xos bо‘lgan shaklda, ma’lum bir tartibda berilgan - asar muallifi yoki shaxs haqida ma’lumot, ba’zan qо‘shimcha titul varag‘ida muallifning kasbi, shajarasi, agar otasi yoki ustozi mashhur shaxs bо‘lsa, ular haqidagi ma’lumot, asar sarlavhasi, uning yaratilishi sabablari, muallifning о‘z asariga bergan bahosi keltirilgan. Avtobiografik xarakterdagi bibliografik kirishda faqat muallif haqida ma’lumot berilgan.
Axborot lotincha informatio sо‘zidan olingan bо‘lib, tushuntirish ma’nosini anglatib, biror narsa haqidagi ma’lumot yoki xabardir.
Bibliografik axborot hujjatni aynan tenglashtirish va undan foydalanish uchun zarur bо‘lgan hujjat haqidagi axborotdir.
Bibliografik axborot murakkab ijtimoiy hodisa bо‘lib, uni tuzish va uni yoshi, kasbi, mutaxassisligi, qiziqishi, maqsadi, tayyorgarlik darajasiga kо‘ra turli hil iste’molchilarga uzatishda mutaxassis-bibliograflar ishtirok etadi. Bibliografik axborot-tushunish va foydalanish uchun zarur bо‘lgan hujjatlar haqidagi axborot yoki ikkinchi darajali axborot bо‘lib, ijtimoiy vazifasi jamiyatning yoki alohida iste’molchilarning turli hil axborotga bо‘lgan talablarini qondirishdan iborat.
Hozirda bibliografik axborotni qaror toptirish va uni uzatish shakllari turli eng sodda axborot xabarlaridan to tuzilishi va qamrab olish darajasiga kо‘ra murakkab an’anaviy bosma shakldagi bibliografik qо‘llanmalar va shuningdek elektron shakldagi ma’lumotlar bazasigacha.