Qarshi davlat universiteti a dabiyotshunoslik kafedrasi bibliografiyashunoslik

Tavsif boshi - Bibliografik yozuv elementi bо‘lib, bibliografik tavsifning boshida joylashadi va bibliografik qidirishning asosini tashkil etadi. Qо‘llaniladigan tavsif boshi hujjat yoki uning qismi haqidagi ma’lumot xarakteriga kо‘ra har xil bо‘ladi:

1. 
   Shaxs nomini kо‘rsatuvchi;
   
2. 
   Tashkilot nomini kо‘rsatuvchi;
   
3. 
   Qisqartirilgan sarlavhani kо‘rsatuvchi;
   
4. 
   Hujjat turini anglatuvchi;
   

Geografik nomini anglatuvchi.
Yakka muallif haqidagi tavsif boshi alohida muallif yoki hammuallif nomini aks ettiradi. Kollektiv muallifli tavsif boshida doimiy yoki vaqtinchalik xarakterga ega bо‘lgan nashr uchun mas’ul tashkilot nomi beriladi.Tavsif boshida mamlakat nomi, alohida qayd etish lozim bо‘lgan hujjat turi, (m-n, rasmiy nashrlar- hukumat qarorlari, buyruqlari, farmonlari) kо‘rsatiladi.
Bibliografik tavsif - ma’lum qoidaga kо‘ra nashr haqidagi umumiy va xususiy ma’lumotlarni aks ettirish maqsadida, ma’lum bir ketma-ketlikda bir qancha bibliografik elementlardan iborat tavsif sohalari yig‘indisi va undan muallif, sarlavha, unga taalluqli ma’lumot lar, mazmuni, ahamiyati va maqsadi, nashr turi, hajmi va boshqa xususiyatlari haqida ma’lumot olish mumkin.
Monografik tavsif - bir asar tavsifi, u - vazifasi yoki mazmuniga kо‘ra bir xillikni tashkil etuvchi bir yoki bir necha elementdan iborat tuzilma (masalan, chiqish ma’lumotlari sohasida nashr joyi, nashriyot yoki bosmaxona nomi, nashr yili) beriladi. Elementlar majburiy yoki fakultativ (yordamchi) ga ajratiladi. Tо‘liq tavsif о‘zida hamma majburiy va fakultativ elementlarni aks ettirsa, qisqa tavsif faqat majburiy elementlarni aks ettiradi. Majburiy elementlar hujjat haqidagi asosiy ma’lumotlarni, fakultativ esa hujjat haqidagi qо‘shimcha axborotni beradi (masalan, kitobxon guruhi, illyustratsiyasi, chizma, kartalar haqida).
Analitik bibliografik tavsif 2-qismdan iborat bо‘lib, hujjatning bir qismi, bobi, bо‘limi yoki alohida bir maqola haqida ma’lumot beradi. 1-qismda matn muallifi, sarlavha, unga taalluqli ma’lumot berilsa, 2-qismda uning manbasi haqida axborot beriladi.