Qarshi davlat universiteti a dabiyotshunoslik kafedrasi bibliografiyashunoslik

Bibliografik rо‘yhat-bu oddiy tuzilishga ega bо‘lgan bibliografik qо‘llanma. Bu qoidaga kо‘ra tor mavzu yoki muammoga oid, xajmiga kо‘ra uncha katta bо‘lmagan tuzilishiga kо‘ra soddaroq materiallarning bibliografik yozuvlaridir, shuning uchun ular ma’lumot-qidiruv apparatiga ega bо‘lmaydi. Ulardan kо‘p qо‘llaniladigani kitobxonlarga eslatmalardir.
Yana eng kо‘p qо‘llaniladigan rо‘yhatlardan kitob ichi, jurnal ichi, maqolaga berilgan, gazeta ichida berilgan rо‘yhatlarni kо‘rsatish mumkin.
Kitob ichi bibliografik rо‘yhatlar biror bir nodavriy nashrning mavzusiga oid ilova qilingan mustaqil rо‘yhat. Masalan, ilmiy asarlarda muallifning asarlari rо‘yhati ilova qilinadi.О‘quv va ishlab-chiqarishga oid adabiyotlarda ham shu mavzuga oid boshqa mualliflarning asarlari rо‘yhati beriladi. Kо‘pgina kitoblarda mavzuga oid foydalanilgan, fikrlar olingan, esga olingan adabiyotlar rо‘yhati beriladi. Matn ichida adabiyotlarga yо‘llanma ( ssilka) ham beriladi, bular sahifaning pastida asosiy matndan sо‘ng, yoki bо‘lim va boblar oxirida alohida ham beriladi.
Jurnal ichi bibliografik rо‘yhatlari –mustaqil material sifatida jurnalda nashr etiladi. Kо‘pgina jurnallarda alohida maxsus sahifalarda yangi adabiyotlar, taqrizlar, yil davomida shu jurnal sahifalarida nashr qilingan maqolalar rо‘yhati nashr etiladi. Masalan, “Sharq yulduzi”, “Tafakkur”, “О‘zbek tili va adibiyoti”, “О‘zbekiston matbuoti” jurnallari oxirgi sonida bir yil davomida nashr qilingan maqoalalarni ma’lum bir tartibda yо‘nalishiga kо‘ra yoki xronologik tartibda beradi. “Adabiy meros “ tо‘plami esa 10 yil davomida tо‘plamda nashr qilingan maqolalarni muammo yoki masalalar bо‘yicha sistemalashtirgan holda rо‘yhatini berib boradi. “Biblioteka”, “Bibliotekovedeniye”, “Mir bibliografii” jurnallari sahifalarida ham maxsus sohaga oid yangi adabiyotlar rо‘yhati berib boriladi.
Ilmiy va ilmiy-ommabop jurnallarda, ilmiy tо‘plamlarda nashr etilgan maqolalar sо‘ngida shu mavzu bо‘yicha foydalanilgan, eslatib о‘tilgan yoki nashrdan chiqqan yangi nashrlar haqida ham rо‘yhat ilova qilinadi. Bular maqolaga berilgan rо‘yhatlar deb yuritiladi.
Gazeta ichi rо‘yhatlari gazetada berilgan mustaqil adabiyotlar rо‘yhati. Respublika, viloyat darajasidagi maxsus gazetalar alohida sahifalarda “Yangi kitoblar”, “Kitoblar orasida”, “Kitoblar olamida”,”Kitob tokchasi yonida” kabi sarlavhalar ostida adabiyotlar rо‘yhatini berib boradi. Bu adabiyotlar haqida axborot berish va targ‘ib qilish maqsadida olib boriladi.