Qarshi davlat universiteti a dabiyotshunoslik kafedrasi bibliografiyashunoslik

4-Mavzu: Soha va mutaxassislik fanlari bо‘yicha bibliografik axborotni shakllantirish uslubiyati
Reja:
1.Mutaxassislarga mо‘ljallangan kundalik, retrospektiv, tavsiya bibliografiyasi kutubxonalar, respublika, viloyat kutubxonalari, ilmiy tadqiqot institutlari va oliy ta’lim muassasalari kutubxonalari tomonidan tuzilishi tahlili.
2.Hozirda Alisher Navoiy nomidagi О‘zbekiston Respublika Milliy kutubxonasi tomonidan bir qator mavzularda kundalik, retrospektiv, tavsiya bibliografik qо‘llanmalar, qator nomlardagi tarixiy, ijtimoiy axamiyatga ega shaxslar faoliyati bо‘yicha tematik - uslubiy qо‘llanmalar chiqarilganligi tahlil qilinishi.
3. Bibliografik kо‘rsatkichlarning mavzui adabiyotlarning mazmuni, g‘oyaviy va tarbiyaviy ishlarning dolzarb masalalariga qaratilganligi

Axborot resurslari maqsadga mos axborotni olish uchun tashkil etilgan ma’lumotlar yig‘indisidir.
Kutubxona-bibliografiya resurslari kutubxonalarning oldida turgan vazifalarini bajarish uchun zarur bо‘lgan axborot, moddiy-texnik va xodimlar bazasi. Umuman olib qaraganda, axborot-bibliografiya resurslari jamiyatning va ayrim kishilarning, axborot iste’molchilarining talablarini qondirish uchun zarur bо‘lgan xujjatlar, faktlar va boshqalar haqidagi turli xil manbalardir. Ular kutubxonalarda va axborot markazlarida saqlanayotgan an’anaviy va mashinada о‘qiladigan axborot tashuvchilar ( turli xil kataloglar va kartotekalar, ma’lumotlar banki va bazasi hamda axborotga bо‘lgan ehtiyojlarni qondirishga xizmat qiluvchi intelektual va moddiy kuchlardan iborat.
Bu resurslarning eng muhim axborot mahsuloti axborot tizimlarining harakati natijasida yuzaga kelgan xujjatlar, axborot massivi, ma’lumotlar bazasi va axborot xizmatidir. Boshqacha aytganda, axborot mahsuloti bu aniq axborot tizimi, masalan, axborot talabgorlariga zarur ma’lumotni qidirish, yig‘ish, saqlash, qayta ishlash, tarqatish va taqdim etish bilan maxsus shug‘ullanuvchi axborot markazi faoliyatining natijasidir.
Bibliografik mahsulot- axborot mahsulotining bibliografik axborot, ya’ni bibliografik yozuvlar bilan ta’minlangan turi.