Qarshi davlat universiteti a dabiyotshunoslik kafedrasi bibliografiyashunoslik

2-Mavzu: “Bibliografiyashunoslik” fanining predmeti va vazifalari
Reja:
1.“Bibliografiyashunoslik ” fanining tarixi va rivojlanish tendensiyalari. Bibliografik axborot hujjatlar va iste’molchilar о‘rtasida vositachi.
2.Bibliografik axborot mavjudligining shakllari. Bibliografik axborotning asosiy ijtimoiy vazifalari, maqsadi, predmeti, obyekti.
3.Bibliografik faoliyat ichki tuzilishining elementlari; Bibliografik muloqot: tavsifnomasi va xususiyatlari; Jamiyatni axborotlashtirish jarayonida bibliografik faoliyatning rivojlanish tendensiyasi, bibliografiyashunoslik fanining predmeti, usullari, tuzilishi.
Bibliografiya predmeti о‘quvchilarni kitobni bilish, uning sirlarini anglash, axborot tanlash, uni kitobxonga yetkazib berish ilmi bilan qurollantiradi. Bibliografiya milliy g‘oyaning asosiy tushuncha va tamoyillarini targ‘ib etishda, Prezident I. A. Karimov asarlaridan, kо‘rsatma va farmonlaridan foydalangan holda о‘quvchilarga amaliyotda bibliografik sharhlashni, adabiyotlarning turli xil rо‘yxatlarini tuzishni, kо‘rsatkich va bibliografik qо‘llanmalarni tuzish metodikasini, kerakli ma’lumotlarni qayerdan, qaysi yо‘l bilan, qaysi vositalar yordamida olish kerakligini, kutubxonada kartotekalar tuzish, kitobni targ‘ib qilish metodikasini о‘rgatadi. Bibliografiya kursi 3 yil davomida о‘qitilib, 2 ta asosiy qismga bо‘linadi:
1. Umumiy bibliografiya.
2. Soha bibliografiyasi.
Bibliografiyaning umumiy qismida bibliografiya nazariyasi va tashkil qilinishi, uning ijtimoiy roli, turlari, bibliografiyaning obyektlari, bibliografik faoliyat turlari, uning asosiy jarayonlari, axborot-bibliografik resurslar, bibliografiyalash metodikasi, О‘rta Osiyoda bibliografiya tarixi, О‘zbekistonda retrospektiv, tavsiya va ilmiy-yordamchi bibliografik qо‘llanmalar va boshqa masalalar о‘rganiladi.
Bibliografiya kursini о‘rganish ta’lim jarayonida о‘rganiladigan barcha mutaxassislik fanlari —„Kutubxonashunoslik“, „Hujjatlar fondi va elektron katalog“, „Kutubxona menejmenti“, „Axborot-kutubxona texnologiyasi“, „Internet tizimidan foydalanish“, „Kutubxona ishini avtomatlashtirish“, „Elektron kutubxona“, „Axborot-kutubxona dizayni“, umumta’lim fanlari nutq madaniyati, pedagogika, psixologiya fanlarida о‘rganiladigan bilimlar juda kerak bо‘ladi.
2,5 ming yildan beri hujjatli manbalarni о‘rganish bibliografik axborotni tashkil etuvchi matnlarni aniqlashga imkon berdi. Bular quyidagilardan iborat: Bibliografik kirish, matn ichi rо‘yhatlari, mashhur mualliflar asarlarining rо‘yhati, kutubxona kataloglari, bibliografik rо‘yhatlar.