Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. Mayda motorikani rivojlantirish
124. Quyidagilar 12 — 24 oylik bolalarda mayda motorika rivojlanishining talablari
hisoblanadi:
bolaning qo‘llari va barmoqlarining harakatlanishini nazorat etishga qodirligi;
bolaning umumiy foydalanishdagi o‘yinchoqlar va buyumlardan foydalana olishi.
125. Quyidagilar 12 — 24 oylik bolalarda mayda motorika rivojlanishining indikatorlari
hisoblanadi:
oddiy o‘yinchoqlarni qismlarga ajratish va yig‘ish;
eshik dastasini ushlab, ochish va yopish, eshik qo‘ng‘irog‘ining tugmachasini bosish;
turli o‘yinchoqlarni barmoqlari bilan aylantirish;
bir qo‘li bilan piyola yoki qoshiqni ushlab turish;
uch yoki undan ortiq bo‘laklardan iborat bo‘lgan minorachalar qurish.
126. 12 — 24 oylik bolalar bilan quyidagi mashqlarni o‘tkazish lozim:
yig‘ma inshoot o‘yinchoqlar bilan o‘ynash;
bolaga o‘yinchoqlarni berib, ularni o‘rganishi uchun imkon yaratish;
bolaga mayda motorikani rivojlantirishga doir buyumlar (yirik munchoqlar, mayda
toshlar yoki boshqa predmetlar) berib, ularni katta yoshdagilar nazorati ostida terishi va
saralashi uchun sharoit yaratish;
bolaga xavfsiz uy-ro‘zg‘or buyumlari bilan o‘ynash imkoniyatini berish.
127. 12 — 24 oylik bolalarning xavfsiz yashashi va harakatlanishini ta’minlash uchun
ularga beriladigan o‘yinchoq inshootning qismlari yirik, rang-barang hamda gigiyenik va
estetik talablarga javob beradigan bo‘lishi lozim.
3-§. Sensomotorikani rivojlantirish
128. 12 — 24 oylik bolalarning sezgi organlari yordamida o‘z harakatlarini tartibga
solish qobiliyatiga egaligi ularda sensomotorika rivojlanishining talabi hisoblanadi.
129. Quyidagilar 12 — 24 oylik bolalarda sensomotorika rivojlanishining indikatorlari
hisoblanadi:
suvni kichik idishdan katta idishga quyish;
quloq, burun, ko‘z kabi tana a’zolarini ko‘rsata olish;
buyumlarni qo‘llarida ushlab turish va bir-biriga urish.
130. 12 — 24 oylik bolalar bilan quyidagi mashqlarni o‘tkazish lozim:
bolaga turli o‘lchamdagi ikkita idish berib, bir idishdagi suvni ikkinchi idishga quyishni
so‘rash;
ushbu jarayonda ko‘rgazmali va kutilmagan hodisalar ro‘y beradigan qiziqarli
uslublardan foydalanish;
bolaga u ko‘rayotgan narsa va harakat o‘rtasidagi bog‘liqlikni tushunishga yordam
berish;
bolaga issiq suvning haroratini his etish va undan qochish imkoniyatini yaratish;
bolaning har bir yutug‘ini rag‘batlantirish.

---

131. 12 — 24 oylik bolalarning xavfsiz yashashi va harakatlanishini ta’minlash
maqsadida:
bolani jarohatlanishdan saqlash;
bolaning ko‘chada yiqilib ketishining oldini olish;
bolaning o‘z gavdasini qanday tutishini kuzatib turish lozim.