O’zbekiston respublikasi milliy gvardiyasi harbiy-texnik instituti

YOSHLARNI HARBIY VATANPARVARLIK RUHIDA 
TARBIYALASH – ONA-YURT OLDIDAGI BURCHIMIZDIR
104
Mamlakatimiz xavfsizligini mustahkamlash masalalarini muvaffaqiyatli hal 
etish avvalo yoshlar tarbiyasi, ularning siyosiy ongi va mehnat faoliyati bilan 
chambarchas bog’liqdir. Shu boisdan, yoshlarimizga milliy o’zlikni singdirish bilan 
bir qatorda ularni harbiy vatanparvarlik g’oyalari bilan sug’orilgan, teran fikrlovchi 
yoshlar etib tarbiyalash katta ahamiyatga egadir.
Yoshlarni harbiy-vatanparvarlik ruhida tarbiyalash – bu insonlarni jamiyat 
uchun jismoniy hamda aqliy mehnatga yoki boshqa foydali faoliyatga yo’naltirish, 
ularga Vatanga bo’lgan muhabbat, sadoqat va fidoiylikni singdirish, shu bilan birga 
ona-yurt oldidagi yigitlik burchini sidqidildan bajarishni uqtirishdan iboratdir. O’z 
navbatida ularga harbiy vatanparvarlik g’oyasini targ’ib etish, jamiyat oldida turgan 
dolzarb vazifa va burchlarimizdan biri hisoblanadi. 
Har qanday davlat o’z istiqbolini sog’lom va barkamol avlod timsolida ko’radi. 
Mamlakatimizda amalga oshirilayotgan keng ko’lamli islohotlar jarayonini, kuchli 
fuqarolik jamiyati va huquqiy demokratik davlat qurishdek ezgu maqsadlar ro’yobini 
yoshlar ishtirokisiz tasavvur etib bo’lmaydi [6]. 
Yoshlarni harbiy-vatanparvarlik ruhida tarbiyalashdan ko’zlangan asosiy 
maqsad – yoshlarda jamiyatning turli tarmoqlari, ayniqsa, harbiy soha bilan aloqador 
bo’lgan davlat xizmati turlarida faollik ko’rsatish, tinch va harbiy sharoitda 
Konstitutsiya va harbiy burchga sadoqatli bo’lish, ularda o’z yurti va xalqi taqdiri 
uchun yuksak mas’uliyat va javobgarlik kabi muhim xususiyatlarni shakllantirishdan 
iborat [7]. 
Yoshlarni harbiy-vatanparvarlik ruhida tarbiyalashda milliy qadriyatlar 
shuningdek, milliy mafkura asosiy poydevor bo’lib xizmat qiladi. Yoshlar 
mafkuraviy tushunchalar bilan tarbiyalanar ekan, dastlab ularda vatanparvarlik ruhini 
shakllantirmoq muhim. Zero, milliy qadriyatlar halqimizning azaliy an’nalari, 
udumlari, ona tili va ruhiyatiga asoslanib, ertangi kuniga ishonch uyg’otadi. Insonlar 
104