Олабўжи романдан катта хикоя

кўз ташлаб. – Зикриёхон домла нақл қилган эдилар. Пайғамбаримиз 
Муҳаммад саллаллоҳи алайҳи васаллам бир кўчадан ўтиб бораётиб, қон 
йиғлаб ўтирган бир аёлга дуч келибдилар. “Эй заифа, нега 
йиғлайдурсен?” деб сўрабдилар. Аёл айтибди: “Ёлғиз қароғимдан 
айрилиб қолдим. Гуноҳга ҳам қўшилмаган эди”. Шунда Муҳаммад 
алайҳиссалом айтган эканлар: “Унда кўп куйинма, хотин. Бу дунё 
гуноҳларига булғанмай пок кетипти, ўғлинг. Бандасининг асл орзуси шу 
эмасми? Поклик, тўғрилик, ҳалоллик...” 
– Борингизга шукр, – деди Расул бобо. – Ултонбой, сен бизнинг 
ўғилни... – Кейин Ултонга бирдан бақрайди-да, Султон бобога ер 
остидан боқди. – Жўра, мана-ку фарзандингиз... 
Бу вақтда Султон бобо карахт бўлиб турарди. 
– Тавба, – дея ўрнидан қўзғалди. – Қани, улим, бир гаплашиб 
олайлик. Жўра, авф этасиз... 
– Бемалол, – деди подачи. Кейин Ултондан сўради: – Мустафоқул, 
Ўролбойларни кўрмадингми? 
– Йўғ-а! – Ултон дурбинни ушлаб ўрнидан турди. – Ҳув тепадан 
қарайман... 
– Овулга келса, бу ерга чиқишар. 
Ота девор бўйлаб йўналди. Кемтикдан ошиб, ўғлига қараб турди. 
Ултон ҳам ўтиб отасининг саволларидан... юраги безиллаб, ҳамда 
воқеани... чол билмаса... айтмасликка қасд қилди. 
– Ота, мендан хавотир олган кўринасиз-а? 
– Хавотир ҳам гапми! – Чол тиришиб, ерга тикилди. – Ёқамни 
ушлайман... Кўз кўриб, қулоқ эшитмаган иш. 
– Энди... – Ултон кўнгил раъйига қараса, бўшашиб кетишини 
англаб, жағларини бир-бирига босди: “Кейин билиб олади, — деб... 
Балки... 

---

549 
.. мендан рози бўлар. 
Ҳа-да, бу одамнинг шиори бор-ку: “Ўлимдан кучли нарсалар бор: у