Олабўжи романдан катта хикоя

– Ҳа, – деди Ултон. 
– Товутини кўрдингизми? Қобил бирқўл айтадики, “ичи бўш, 
ичига тош солиб юборган”, деб... Қаранг-а, худоё тавба! Товутни 
кўрдингизми? 

---

557 
Ултон хўрсинди. 
– Йўқ. 
– Қобил кўп нарсани билар экан! – ҳаяжонланиб айта бошлади 
Ашим. – Босмачилар йўқ бўлсаям, авғонларни ўлдирардик, дейди... 
Ҳалиги Қизил аскарларга ўхшаб! Ҳе, отам айтиб берган. Айтувдим-ку, 
қўрбошиларни мақтаб қоларди... – Ултоннинг энсаси қота бошлаганини 
сездими, тин олди-да: – Битта гап! Бир оғиз... Жуда қизиқ! – деди – 
Штабда план бўлармиш: шунча босмачини ўлдириш учун... Вой, худо 
урсин-а! 
– Урмасин... Хуррам келадими? 
– Келади. 
– Мени “топиб” нима қилардинглар? 
... Ашим гангиб елкасини қисди. Кейин кўзи ёшовраб: 
– Мени кечиринг, домилла, – деди. Бошини эгиб, қўлларини ерга 
тираб – тўрт оёқ бўлди. – Уринг! Ўлдирсангиз ҳам, майли... 
– Тузук ўтир! Лекин ўшанда... бир оғиз айтсанг бўларкан. Умуман-
ку... 
Ашим бошини кўтариб, итдек садоқат билан тикилди. 
– Қандай айта олар эдим... Яхши кўраман, деб турсангиз. Тўғри, 
бунақа демадингиз-у, лекин ишқилиб... 
Ултон сигаретни сўриб тортди. 
– Ҳа. 
– Балки ўзингиз ҳам билармидингиз... – Ултон аста бош ирғади. 
Ашим эса бирданига ерга сўмрайиб қолди-да: – У ёқдан... – деб 
пичирлади. – Сиз психбалнисадан кеча... 
– Ашим! – Ашим “ҳа-ҳа”лаб ңолди. – Сен... бу мотоцикл кимники? 
Ашим талтайиб деди: 
– Умидники... Ўзи рейсга кетди. Бугун! Тонгда! Менга бериб кетди. 
“Миниб юр!” деди. У мард йигит. Бир-икки кундан кейин келади... – 
Кейин яна шивирлади: – Карабин ё автомат опкеламан, деди. Худо 

---

558