Олабўжи романдан катта хикоя

– Хўп, ота, – Ултон Гижингтойга қараб жилмайди. – Эшитдингми, 
яна пастга энар эканмиз! 
Султон бобо ҳам жилмайиб: 
– Ҳа, – деди. – Лекин хўп иш бўлди келганинг... – Кейин бошини 
сараклатиб, яна жилмайди. 
– Бир нимани эсладингиз дейман? 
– Опани... 
– Эгамқуловани? 
– Ҳа. Келган экан военнилар билан... – Этакка қаради. – 
Вертолёти анаву ерда турган экан... Битта капитан, икки солдат. Мунди 
жўранг билан Собир ҳам бор экан... 
– Ў-ў! 
– Одамлар... 
Эгамқулова 
анча 
тўғри 
гапларни 
айтди. 
Интернасиянал бурчни адо қилди деб... Аммо “жаноза ўқилмасин”, деб 
туриб олгани яхши бўлмади. “Хўп-хўп”, деб жўнатдик... 
– Шундақа денг. – “Мунди яна мақтаб ёзади. “Интернационал 
бурч...” деб, – ўйлади у беҳол. – Яна сурат чиқади. Э, худойим, ўлимдан 
ҳам фойдаланади бу сиёсат... Шу ердаям – риёкорлик!” 
– Шундан кейин Бўтабой Сўпи келдилар... – Чол давом этди-ю, 
жимиб қолди. 
– Хўш? – Ултон бирдан сергакланиб сигарет тутатиб олди. – Энди 
шуни гапиринг... – 

---

552 
– Сен бу масалага қизиқиб сўровдинг, – деди чол. Кейин жиддий 
тортиб, хўрсинди. – Ўша гап: менинг бир тола мўйимгаям зиён етмайди! 
– Бир отар мол-чи? Йўқ-ку?! – зарда қилиб сўради Ултон. – Хўш, 
еганмисиз?.. Тўйга совуриб юбордингизми? Айтмоқчи, мебел керакмас! 
Бас... Эшитаман! 
Ота ютиниб олиб: 
– Шу гапларинг ортиқча-да, – деди. – Мен сенга ёлғон 
гапирмадим ҳеч. 
– Демак, гапирган экансиз... 
– Ахир, тушунтиргандим-у: ундай камомат ҳар бир чўпонда бор... 
Бор! – уқтирди қария. – Мана, пахтани олиб кўр... Олти миллион тонна